ISAI 54:5 - PATHIAN LEKHABU THIANGTHO (BSI)

⁵ La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 54:5 ပူးပေါင်းရင်းမြစ်များ

JOB LEKHABU 19:25

Ei Tanpa chu a hing zing hi ti ka he’i, ama chu ni tawp ni leh, lei chung ah hin hung ding di ahi’n,

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:14

Lalpa, nanghaw Tandokpa, Israel Mithiangtho chun: Nangmau ziakin Babulon ah mi sawl ing ka tin, a khawpi kul zosiau hisia’n, Kaldaite limna husa chu Kâ La’n theng ding ka hi.

ISAI 45:11

Lalpa, Israel Mithiangtho leh, amau Siampa chun zia gual hin a gen hi: Ka chate chungchâng thu leh, ka bawl ding leh bawl lo ding thu in, hung kikum ding la hem?

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

ISAI 51:15

Keima hi Lalpa la Pathian, tui kinawkte gi hum hum ding ah, tuisuagiat chokphûlpa chu ka hi’ngâl a, a min chu sepai honte Lalpa ahi.

ISAI 54:8

Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

ISAI 65:16

Chutichun, zia leisiat ah maljawlna dawi taphot chun, dikna Pathian min in don hen la; chuleh, zia leisiat ah kihaksial taphot chun, dikna Pathian min in kihaksial ta hen; buaina masate kha hetmil a hita’n, ka mit ah mulo ding ah sêlmang ahi tai.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 51:19

Jakob chanvo Lalpa chu vang, zia gual chu a hipua’n, thil zosia siamdokpa ahi’n; Israelte hi a gochan namte chu a hiu; sepai honte Lalpa chu a min ahi.

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

HOSEA 2:16

Zia ni chuleh, “Ka Baal” ei ti lo in, “Ka Pawsal,” ei tizaw ta’n la, Lalpa‘n a tii.

HOSEA 2:18

Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

LUKA 1:32

Ama chu milopi hung hi’ntin, Chungnung pen Chapa ti hung hi ding ahi; chuleh, Lalpa Pathian in a pa David lalchutpha chu ama hun pia ding ahi.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

EPHESA 5:32

Zia hi thugûk lopi tak chu ahi; ahi’n, Khrista leh kochuam a kikâl te’khinna ka mat ahi.

JOSHUA 3:11

lei chung pumpi ah Lalpa thuthung thingkuang chun la mau in Jordan lui gâl a kâi hi.

JOSHUA 3:13

Lei chung zosia ah Lalpa, Lalpa thuthung thingkuang jawn thiampute keng in Jordan lui tui a chotkhâk phat phat leh, Jordan lui tui saklam ah kipat hung luang suk chu tan intin, ding den in, kisia vûm ziang ta’n ah,” a tia.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.