ISAI 54:14 - PATHIAN LEKHABU THIANGTHO (BSI)

¹⁴ Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

ISAI 54:14 ပူးပေါင်းရင်းမြစ်များ

JEREMIAH 30:10

Nang ka suak Jakob vang lau kin la, aw Israel, lungdong kin, Lalpa‘n a tii; gamla tak ah kipat in hun hukdok ing ka tin, la suan leh pâkteu chu, a saltânnau gam ah kipat in, hun hukdok ding ka hi’ngâl a. Jakob chu hung kit in, thip hiat hiat in kichawldam ta’n tin, kuama’n sulauthawng ta pua’n au.

ZEKARIAH 9:8

Ziaphat chuleh, ka In ah vêngtu gual in chêngden ta’ng ka tin; tichun, kuama’n a suk a to in pal ta pua’n au; a nuaisia dingin kuama hung ta pua’n au; tu’hin vang, keima mit ngei in ka mu ta’ngâl a.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

ISAI 9:4

Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 1:26

Tichun, a lim ah gual khan, la vaihawmteu tungding kit ing ka tin, a lim ah kipat gual khan, la lemguattuteu kha le, tungding kit ing ka. Ziazaw chuleh, nang chu dikna khawpi leh, khawpi ginum, ti hung hita’n la.

2 PETER 3:13

Himaleh, a thutiam gual in van thak leh lei thak, a sung ah dikna um chu I ngâk zing ui.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 45:24

Lalpa bep ah chun dikna leh hatna a um hi, ei hun ti ta’n tiu in; Keima do ding ah hil ah umte chu vang, ka kiang lam ah hung in, mualpho ta’n au.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 1:27

Vaihawmna dik ziakin Zion chu hukdaw in um intin, chuleh, a sung ah chun a gitlonau haisan ah lungheite chu, dikna hukdaw in um in au.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

ISAI 14:4

zia gual hin Babulon lengpa chu êngho ta’n la: bangtidan ah mi tawden talo! bangtidan ah mi êngho talo!

ISAI 16:4

Moab gam ah kipat nawdaw ah umte chu, la lak un chêng uh hen la; amau susetu ah kipat a kisêlnau hung hi’n. Hi’gentheitute a bei ah, siatna a hung bei ah, gam ah kipat susetute a bei phat uh leh,

ISAI 26:2

A ginnau vopdet zing mifelte chu a luttheina ding un, kul kotkhakte chu hong un.

ISAI 33:18

La lungthim ah la lau gûk zing uh: Paisa simpa chu khoi ah um a hita em? Thil gik te’pa chu khoi ah um a hita em? Gâlvênbûk jat tiampa chu khoi ah um a hita em? ti’n la lungthim un ngaitua zing ta’n lau.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

ISAI 60:18

La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 62:1

A dik zia sûn lai gual ah a hung vâkdaw a, a hukdamna le thaumei kuang tak gual ah a hung vak masangsia chu, Zion ziakin thip hiat hiat pua’ng ka tin, Jerusalem ziakin kichawl hiat hiat thei pua’ng ka.

JEREMIAH 30:20

A chateu chu masang lai gual kha hi’n tiu in, chate kha pia kit ing ka tin, a mipiteu chu ka ma-âng ah um dingin siam ing ka tin, phudet ing ka; chuleh, amau tawden zosia chu, gawt ding ka hi.

THUPILTE 3:24

kichu lechinle lau nei ta pua’n la tin; la lup phat leh la i-mut tui ta’n a.

ISAI 32:17

Dikna ziakin thamuanna um intin, dikna ziakin thamuan hiat hiatna leh, kumtuang ah taksanna um zing ta’n a.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.