ISAI 54:11 - PATHIAN LEKHABU THIANGTHO (BSI)

¹¹ Aw, nang sukgenthei ah um, thigawpi’n a mût lumlet, thamuanna him him nei lo, la suangte kha a jem hoi tak in, hun siam piak ing ka tin, la In suangphûm ding chu, sapphire suang mantam in hun lep piak ing ka.

ISAI 54:11 ပူးပေါင်းရင်းမြစ်များ

1 LENGTE 5:17

Lengpa thupiak dungzui in suang lian leh manpha tak takte chu a hun sêkdok ua; In suangphûm ah dap ziang thei dingin sek tuak diam sa’n a hun paw tung sek ui.

1 LENGTE 6:30

Pindan sungnung leh pawnung Intuang chu sana tui a kiluan khum a.

1 KHANGTHU 29:2

tichun, ka hi’thei tawp sua in ka Pathian Insakna van ding chu ka la guanggal ta’n; sanate chu sana ah pang dingin, dangka thikte chu dangka thik ah pang dingin, sum-engte chule sum-eng ah pang ding, thikte chule thik ah pang dingin, thingte chule thing ah pang dingin leh a zechuam chuam ah cheina ding onik leh suang mantam chi chuam chuamte, suang mantam jat chuam chuamte leh marbul tam tak, kiningting tak ah mat dingin ka lakhawm zo tai.

2 KHANGTHU 3:6

Suang mantam chi chuam chuam in zia In chu jem ahi. Zia sana kimangte chu Parvaim gam ah kila lut ahi.

JOB LEKHABU 28:16

Ophir sana’n a tuk thei pua’n, onik leh sapphire suang mantamte’n le, a tuk zo puau hi.

SAM 34:19

Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi.

PAWTDAWNA THU 2:23

Chomkhat zaw in Aigupta lengpa chu a thi ta’n. Israel chate chu a saltânnau ah chun a thûm un, a kap tau a. A saltânnau ah a kâ thawmteu chu Pathian kiang a tung ta’n.

PAWTDAWNA THU 24:10

tichun, amau cheng chun, Israel Pathian chu a mu tau a. A keng pêk nuai ah chun sapphire suang mantam ah kisiam lampi kizutnâm khat a la um ah; a thian dan chu van thiang sing seng tawh bang ahi.

PAWTDAWNA THU 3:2

Zia tak ah chun, Lalpa vansawlchâk pakhat a kiang ah hampa buk lak ah meikuang in a hung kilâk ah; ama chunle a vak en ah; ngaitia, hampa buk chu a kuang ah, himaleh bangma a kâng diak puai.

PAWTDAWNA THU 3:7

Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

SOLOMON LÂ 5:14

A khutbânte chule sana leh, suang mantam ah kichei a bang hi. A pum chule saiha vâm, sapphire suang mantam ah kisiam gual ahi.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 28:16

Ziaziakchun, Lalpa Pathian chun: “Ngai un, Zion ah chun, a suangphûm patna dingin suang pakhat, etchianna suang–suangphûm lûl tak khat chu ka lem in, ‘Ama ging taphot chu zakcha pua’n au!

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 49:14

Himaleh, Zion in vang, “Lalpa‘n ei nusia ta’n, ka Lalpa‘n ei hemil tai,” a tii.

ISAI 51:21

Ziaziakchun, nang hi’liam ah um, vâk kham ah um, uain dawn kham chu hilo, zia thu hi a la ngai in:

ISAI 51:23

Tichun, nanghaw hun sugenthei ah, la kiang ua: “Tual ah bok mât un, la chung uh hun haw malam ding ka hiu,” ti sek ah, la chamlo ua lei tual ah la kizam ua, khawlai tual tawh hun chuan den ding a hiu.

ISAI 54:12

La In sîpzumte chu rubi suang mantam in, siam ing ka tin, la huang kotpite chule, suang mantam te zol zol te’n siam ing ka tin, la bâng zosia chule, suang mantam chite’n hun lep piak ding ka hi.

ISAI 54:6

Lalpa chun nutsia um ji thasia, tangval lai ji nol ah um, a kokit gual in ka hun ko la hi; la Pathian in a tii.

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

KÂ LATE 1:21

Ei thamuantu ding umlo ziak ah, ka thûm dan a he ngâl un. Ka mêl huatte zosia’n, ka buaina a hechiat ui; zia hi nangma bawl ahi ti, a het ziak un a kipak ma mau hi. La puan tâksa ni ah chun tun sak inla. Keima tuak hi amau le tuak sak in

EZEKIEL 1:26

Chun, a luchung ua belkuang gual ah khû suk chung ah chun lallukhuk tawhbang, sapphir suangmantam gual ah kilang khat le a um ah; zia lalchutpha tawhbang chung ah chun mihing mêlpu khat a kitung a.

EZEKIEL 10:1

Chuleh, ka vak et leh, cherubte luchung a bêlkuang tawhbang ah khu’suk chung ah chun, sapphir suang mantam gual ah kilang, lalchutpha mêlpu khat a um a.

MIKAH 7:11

La kulbâng siamphatna ding ni chu! Zia ni chuleh, la gamgi chu, gamla tak ah kêk lian hung hita’n a.

MATTHAI 8:24

Dil ah chun thakhat in thigawpi nasa tak a hung hâng a, tui kinawk in kuang chu a khu vâng vâng ziang ta’n; ama chu a la ipmu ahi’n.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

EPHESA 2:20

Khrista Jesu ngei chu a kil ah suang poimaw pen ahi’n, sawlchâkte leh jawlneite suangphûm chung ah sak la hiu hi.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.