ISAI 54:10 - PATHIAN LEKHABU THIANGTHO (BSI)

¹⁰ Tângte chu tawl mang ah um in, mualte chu lakdaw in hung um ziang maleu le, ka ngilneina chun hun nusia pua’n tin, kilemna thuthung chu lâkdaw hita pua’n a, ti’n nangma hun lainatpa, Lalpa chun a ti ahi.

ISAI 54:10 ပူးပေါင်းရင်းမြစ်များ

2 SAMUEL 23:5

Pathian âng in ka Insung mi chu zia gual hi hilo a hem? Ama chun kei tawh kumtuang dai ding thuthung a siam ta’n, bangkim kitup leh det tak in a um tai. Ka thangai leh ka lungtup zosia chu, ama’n ei lawtinsak lo ding a hem?

SAM 102:26

Ziate chu hung mang intin, nang vang um zing inla; ziate chu pua’n gual in hung chul ta’n a. Puanlui gual in theng in la tin, mangthai ta’n au;

SAM 46:2

Leilung hi hung danglam in, tuisuagiat lailung ah tângte le kithing in;

SAM 46:3

a tuite chu gi zung zung in, phul bul bul ziang hen la; a kinawk nasat ziakin tângte hi, kilîng dûp dûp ziang maleh, lau puai tiu. (Selah)

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 49:15

Numei in a cha nawichep lai a hemil thei em? Ama sûl ah piang ngei ngei chu, lainatna nei lo in um thei ding a hem? Amau chun hemil thei ziangleu le, ke’n vang hun hemil pua’ng ka.

ISAI 54:8

Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

ISAI 55:12

Kipak tak in pawtdok in la tiu in, thamuang tak ah pui kit hi’n lau; la ma-âng un mual leh tângte chu, La sa’n kikodok intiu in, gamlak ah thing zosia chun, a khut uh hun bêng ta’n au.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

ISAI 61:8

Keima Lalpa hin vaihawmna dik ka ngaina ngal ah, a gûk ah kilâk piak leh, vaihawmna diklo chu ka huat lam tak ahi; a sep dan uh tawh kiphu tawk tak in, thuk ing ka tin, amau tawh ka kikâl un, kumtuang thuthung siam ding ka hi.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 31:36

Zia leilung dante hi ka mit mu ah sukbei ahi chun, Israel suan leh pâkte chule nam piting, ahi’nau sukbei hi mai ding ahi, Lalpa‘n a tii.

JEREMIAH 33:20

Zia gual hin Lalpa‘n a hun gen kit a: La lak ua kua’nle sun leh jan ah ka thuthung bawl la bawsiat khâk ua, zia sun leh jan chu a hun dung zui ah a hung um theilo chun;

EZEKIEL 16:42

Tichun, la chung ah ka lungnatna dam ta’n tin, ka hun thangsiatna le bei ta’n ah; thip hiat hiat ta’ng ka tin, la chung in lungna ta pua’ng ka.

EZEKIEL 34:25

Chun, amau tawh kichamna thuthung siam ing ka tin, a gam ua kipat gamsa zosia delmang ing ka; tichun, gamtalai lak ah a nop dan dan un chêng in, thing lak gam inle bit tak in lum ta’n au.

MALAKI 2:5

Ama kiang ah thuthung ka piak chu hinna leh phat theina ahi; tichun, ei jau ah, lau kawm ah lei choihoina ding uh ahi.

KISIMNA LEKHABU 25:12

Ziaziakchun, a kiang ah, ‘Kichamna thuthung ka pe ta ahi.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

MATTHAI 24:35

Lei leh van mangthai intin, ka thu ahileh vang mangthai pua’n a.

MATTHAI 5:18

Titakzet in ka hil la hiu, Lei leh Van a manthai masia, Dan thu sutvom neucha a hem, zikvom neucha a hem, a leng ua a tunkim masang sia pakhat chale mangthai pua’n a.

ROMTE 11:29

Pathian in a thilthawnpiak leh a kona haw chu sukbei kit thei ahi puai.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

HEBRAITE 12:27

Zia thumal, “Hi’lîng ding ka hi,” a ti hin, thil kilînglote chu a um den theina dingin, a kilîng thei thilsiamte chu chawn mang hi’n a, ti a hiatsak hi.

THUPUAN 6:14

Van chu lekhabu zial gual in a hung kizial mang a; tâng leh tuikual khum gam zosia le a umnau ah kipat chawn mang in a um zo tau a.