ISAI 54:1 - PATHIAN LEKHABU THIANGTHO (BSI)

¹ Aw, nangma cha hing ngai lo ah chîng, La hun sa’n; nangma nauvei ngai lo, La sa’n hung kikodok inla; ngai tak in hung kikodok ta’n! Pawsal neinu chate sâng in, thawmhau tak ah umnu chate chu tam zaw’n au, Lalpa chun a ti ahi.

ISAI 54:1 ပူးပေါင်းရင်းမြစ်များ

THILSIAM THU 21:6

Chuleh, Sarah in, “Pathian in ei nuisak tai; ei he’pha tapo in ei nuipi in au,” a ti tai.

SAM 113:9

Numei chîng chu chênna In a pia’n, chate â ding ah nu nuamsa leh kipak in a siam hi. Lalpa chu pâk un!

SOLOMON LÂ 8:8

Suapi numei naupang nawi le nei nai lo khat ka nei un. Ama hung hêl a um phat leh, ka naunuu chu bang ka bawl piak ta diam uh?

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 24:14

Aw ngai tak in kipak in La a hun sau a, Lalpa lopina chu tumlam ah kipat in a hun pâk ui.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 49:19

La mun se’sau, giauchangte leh, la gam suktawp ah umte chu, matheilo in chêng dim kit in, neu talua hun sa hial ta’n lau; nanghaw hun chomgamte chu vang, gamla tak in jam ta’n au.

ISAI 49:20

La lusûn lai tak ah piang, la chate chun la nakhang un: “Ka umnau a teltêp talua tai; chênna mun ding ei pia’n,” hun ti’n au.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

ISAI 66:7

Nauvei man lo in cha a hing in, a nat in a tut ma’n chapa a nei hi.

ZEPHANIAH 3:14

Ngai tak in La sa’n, aw Zion chanu; aw Israel, kiko in! La lunggil zosia lim in kipak in; aw Jerusalem chanu!

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

GALATIA 4:27

‘Nang chîng, cha nei ngailo, kipak in, nang nauvei ngailo, La sa’n kikodok in; pawsal neinu sâng in lunglengnu’n chate a nei tam zaw ngal a,’ ti zik ahi.

1 SAMUEL 2:5

Mi kiningtingte chun nêk kawm ding a kilaw tau in, mi gilkialte chu vang gâl lâkah suk-hausat in a um tau hi. Cha nei theilonu chun pasagi a nei ta’n, cha tam tak neinu chu a thawmhau tai.