ISAI 53:8 - PATHIAN LEKHABU THIANGTHO (BSI)

⁸ Thudik ah vaihawm lona ziakin, pâmpai in a la um tai. A tu’nung thu ding kua’n a gêl sâm awm? Mihingte gam ah kipat sukmanthai in a um ta’n, ka mipite bawlkhialna ziakin, ama chu khet liam ah um ahi.

ISAI 53:8 ပူးပေါင်းရင်းမြစ်များ

SAM 69:12

Kul kotkhak bul ah kichute holimna ka hung hita’n; zukhamte’n La ei phuak khum tau hi.

SAM 88:5

mi thisate lak ah nutsia in ka um ta’n, thalup ah um thân ah vui gual bep ka hi’n, la hetphâk tâk lo him him gual ka hi tai; amau chu la khut ah kipat tanthâk a hiziak un.

ISAI 53:12

Ziaziakchun, miliante chantum chu pia’ng ka tin, gâlhatte tawh a gâl lâk thilte chu kihawm ta’n au; ama’n a hinkhua thi phal in a la kipedok ta’n, thil bawlkhialte lak ah simkhawm in a la um ta’ngâl a; mi tam takte gitlona chu pua’n, migilote â ding ah dot piak in a pang nalai sêt hi.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

KÂ LATE 3:54

ka luvûm tiang tui in ei chup tâk ziakin, “Ka thi tai,” ka ti’n.

DANIAL 9:26

Hapta sawmguk leh ni zaw leh sathaunu’ ah um chu pai thâk in um intin, bangma nei ta pua’n a; chuleh, a hung ding lal sepaite chun khawpi leh mun thiangtho chu susia’n au. A tawpna tuisânglet gual hi’ntin, a tawpna dingin kido’na hung um in a. Siatna huaisia tung ding chu guatsa ahi tai.

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

JOHAN 19:7

Judate chun a dawnhuu a, “Dan pakhat ka nei ui, zia dungzui ah chun a thi ding ahi, Pathian Chapa ah a kigen ziakin,” a tiu a.

NASEPTE 8:33

Musit ah a um lai in a chung ah thu dik chu pom ahi puai. A suan khanggui thu kua a hem gen ta ding? Khawvel ah kipat in a hinna a lâkpiak tangal un,” ti hi.

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.