ISAI 53:7 - PATHIAN LEKHABU THIANGTHO (BSI)

⁷ Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

ISAI 53:7 ပူးပေါင်းရင်းမြစ်များ

SAM 38:14

Ahi, bangma helo gual leh, a kam ah zilgaina pawt kha lo gual in ka um hi.

SAM 38:15

Himaleh, aw Lalpa, nangma la hi ka thangai; Aw Lalpa, ka Pathian ei dawnhu ding chu nang la hi.

SAM 44:22

Nangma ziakin nitum ah tha in ka um zing un, belam thalup ding gual ah ngai ka hiu.

ISAI 50:6

Ei vawte ma-âng in ka nungjang ka daw in, ka khamul ah ei mante kiang in, ka ngeibiang le ka daw hi; ei hosia leh a chil ei siatkhumte âng in, ka mai ka sêl puai.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MARKA 14:61

Himaleh, ama chu a thip bik bek ah, bangma cha’n a dawnhu puai. Ziaphatchun, thiampu lianpen chun a dong kit a, “Messiah, Maljawlna Chapa chu la hi em?” a tia.

MARKA 15:5

Jesu’n vang bangma’n a dawnhu pua’n; Pilat chun mak a sa ma ma hi.

LUKA 23:9

Ama chu dotna tam tak a la dong a; himaleh, Jesu chun bangma cha’n a dawnhu puai.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 19:9

A vaihawmna Inpi chun a lut kit a, Jesu kiang ah chun, “Khoi ah kipat mi la hem?” ti’n a dong a. Ahi’n, Jesu’n a dawnhu puai.

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.