ISAI 53:6 - PATHIAN LEKHABU THIANGTHO (BSI)

⁶ I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

ISAI 53:6 ပူးပေါင်းရင်းမြစ်များ

THILSIAM THU 22:6

Abraham chun hâlmang thillatna matchâk ding thing chu a la’n, a chapa Isak chu a putsak ah; ama chun mei tawh chemcha chawi in, a kiton pek tau a.

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

SAM 69:4

A ziak bei ah ei mudate chu, ka luchang ah ka samzang sâng hinle a tam zaw hial ui; ei hi’mangthai gua, diklo tak ah ei hêk ka mêlmate chu a tam ma mau hi. Ka gûk lo pi chu bang ding ah dit ding ka hem?

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 53:12

Ziaziakchun, miliante chantum chu pia’ng ka tin, gâlhatte tawh a gâl lâk thilte chu kihawm ta’n au; ama’n a hinkhua thi phal in a la kipedok ta’n, thil bawlkhialte lak ah simkhawm in a la um ta’ngâl a; mi tam takte gitlona chu pua’n, migilote â ding ah dot piak in a pang nalai sêt hi.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 55:8

Ka ngaituanate hi la ngaituanateu tawh a kibang pua’n, ka lampite chule nang uh lampite gual ahi puai, Lalpa‘n a ti’ngal a.

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

ISAI 6:7

Vansawlchâk chun zia meiâm chu ka mûk a hun bî ah, ka kiang in: “Tu’hin, zia meiâm hin la mûk a bî tâk ziakin, la bawlkhialna zosia lâkmang a hita’n, la gitlona le ngaidam ahi tai,” a hun ti’n.

ISAI 66:3

Bawngchal that tapo chu mihing that gual hi’ntin; belamno kithoina ding ah lân tapo chu, uicha gawl ât tan gual hi’n a; thâiga ah kithoina bawl tapo chu, vokcha thisan ah kithawi gual hi’n a; gimtui hâl ah hetzingna ding ah thilpiak lân tapo chu, milim âng ah maljawlna don gual hi’n a. Zia gual mite chun amau bawldan bep pha a sau ah, a thil ki’dak um bawl uh chu, a lungthim un thâtnop um a sau hi.

JEREMIAH 50:6

Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

EZEKIEL 3:18

Mi nunsia kiang ah, “Thi ngei ngei ding la hi,” ka ti ah, a kiang ua hilna thu la gen lo ah, zia mi nunsia chu a hinna ding ah a nunchan phalo nusia ding ah la hil lo ahileh, zia gual ah mi nunsia chu a tat phalo ziakin a thi ding ahi; himaleh, a thisan mawu la chung ah phût ding ka hi.

DANIAL 9:5

ka gilo zo tau ah, ka la bawl khial zo tau in, nunsia tak ah um in ka la hel zo tau a; la thupiak leh la vaihawmnate ah kipat in ka la pêt mang zo tau hi.

ROMTE 4:25

ama chu I gitlonau ziakin thâ in a um ah, thiam I channa ding un kaithaw in a um kit tai.

JAKOB 5:20

migilo a vâkmanna ah kipat pui kit taphot chun, migilo chu thina kipat a thagau hukhing intin, gitlo tam tak le liakhu in ah, ti he tau in.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

VAIHAWMTE 21:25

Zia lai ah chun, Israelte gam ah leng a um pua’n; mi tin in pha a sak dan chiat un a um tau hi.