ISAI 53:11 - PATHIAN LEKHABU THIANGTHO (BSI)

¹¹ A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 53:11 ပူးပေါင်းရင်းမြစ်များ

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 45:25

Lalpa ah chun Israel suante zosia chu, gâl zo in lopi ta’n au.

ISAI 49:3

Chuleh, ka kiang in, “Nangma hi ka suakpa, chawihoi ah ka umna ding, Israel chu la hi,” a ti’n.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 53:12

Ziaziakchun, miliante chantum chu pia’ng ka tin, gâlhatte tawh a gâl lâk thilte chu kihawm ta’n au; ama’n a hinkhua thi phal in a la kipedok ta’n, thil bawlkhialte lak ah simkhawm in a la um ta’ngâl a; mi tam takte gitlona chu pua’n, migilote â ding ah dot piak in a pang nalai sêt hi.

ISAI 53:8

Thudik ah vaihawm lona ziakin, pâmpai in a la um tai. A tu’nung thu ding kua’n a gêl sâm awm? Mihingte gam ah kipat sukmanthai in a um ta’n, ka mipite bawlkhialna ziakin, ama chu khet liam ah um ahi.

DANIAL 12:3

Mipil taphot chu van lam vakna gual in vâk ta’n tiu in, mi tam tak dikna lampi puilûtte chu, kumtuang kumtuang in aksite gual in vâk zing ta’n au.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

LUKA 22:44

A lunggim ma ma ziakin, titak zaw diak in a pauchap kit a; tichun, a khawsa-ul chu thisan tang lian tak vatha gual in leitual in a vatha tai.

JOHAN 12:24

Titakzet in ka hil la hiu, Bu changkhat lei ah a kiak ah, a thizet lo chun, a ngai ngai in a um zing sek hi; himaleh, a hung thizet tak leh chu tam tak in a ga sek hi.

JOHAN 16:21

Numei chun nau a vei lai in a thuak gim sek ah, a hun tung ahi ziakin. Nau a nei zaw tak leh vang, khawvel ah mihing pakhat a hung pianbe ziak in, a lungkhamna chu a hemil zo ta sek hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

ROMTE 4:24

eimau â dinginle zia gual ah chun, eimau chung ah le sukdetna umthei ahi, Jesu I Lalpau thina kipat thokit chu I gin phot ua leh;

ROMTE 5:9

Chutichun, a thisan ah thiamchansak I hi’tâk nung un, ama ziak man Pathian lungnatna kipat in hukhin in um ngei hitiu.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

GALATIA 4:19

Chate haw, Khrista chu nangmau ah siam pitin ah a um masia, nauvei in ka hun vei la hiu.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

2 JOHAN 1:1

Upa chun, têlchuam ah um Numei leh a chate, thutak jal ah ka ngainat, keima bep hilo ah, thutak he zosiate’n a ngainat uh kiang ah chun:

2 JOHAN 1:3

Pa Pathian leh Lalpa Jesu Khrista, Pa Chapa ah kipat in, hepina leh jangaina leh chamna chu thutak leh hepina jal in I kiang un um zing ta hen.