ISAI 52:9 - PATHIAN LEKHABU THIANGTHO (BSI)

⁹ Nanghaw hisiat ah um ta Jerusalem ah umte haw, kipak ah La sa’n hung kikodok tau in; Lalpa‘n a mite a thamuan in, Jerusalem chu a hukdok kit tai.

ISAI 52:9 ပူးပေါင်းရင်းမြစ်များ

SAM 102:22

namtin leh lenggam tinte Lalpa nasem ding ah, a hung punkhawm theina ding un.

SAM 98:4

Leilung lua zosiate haw, Lalpa chawihoi in lim tak in kiko un; kikodok unla, lim tak ah La sa’n, a choihoina La sau in.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 14:7

Khawvel pumpi chu chawldam in a muang ta’n; lim ah La sa’n a kikojak tau hi.

ISAI 40:1

La Pathian un, “Thamuan unla, ka mite chu thamuan un,” a tii.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

ISAI 51:3

Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

ISAI 55:12

Kipak tak in pawtdok in la tiu in, thamuang tak ah pui kit hi’n lau; la ma-âng un mual leh tângte chu, La sa’n kikodok intiu in, gamlak ah thing zosia chun, a khut uh hun bêng ta’n au.

ISAI 61:4

Tuan ah tâng ah hisiat ah a la um sate chu, hun siamthak kit intiu in, tu’ma lam ah hisiat sate chu, hun tung ding kit in au; khawpi suksiat ah umsa, khang tam tak suksiat ah a la um ta chu, hun siamthak kit ta’n au.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

GALATIA 4:27

‘Nang chîng, cha nei ngailo, kipak in, nang nauvei ngailo, La sa’n kikodok in; pawsal neinu sâng in lunglengnu’n chate a nei tam zaw ngal a,’ ti zik ahi.