ISAI 52:10 - PATHIAN LEKHABU THIANGTHO (BSI)

¹⁰ Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 52:10 ပူးပေါင်းရင်းမြစ်များ

JOB LEKHABU 40:9

Pathian gual ah khutbân nei ah, van-git gual in aw sua thei ding la hem?

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

SAM 67:2

la lampi chu lei chung zosia het hi hen la, la hukdamna thilhitheina chule, namtin lak ah het a hi’theina dingin.

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

ISAI 33:13

Nanghaw, gamla tak ah umte haw, bang a la bawl ka hi em ti a la ngaithau in; nanghaw, nai tuam ah umte haw, ka thil hi’thei dan hi a la he tau in.

ISAI 40:5

Ziaphat chuleh, Lalpa lopina chu hung kilang ta’n tin, mi zosia’n zia chu hun mu chiat ta’n au, ti’n Lalpa kam in a la gen ta’ngal a.

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

ISAI 53:1

Ka thu gensawn uh kua’n a taksang awm? Chuleh, kuate kiang in Lalpa khutbân chu, tâklat in a um em?

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

ISAI 62:1

A dik zia sûn lai gual ah a hung vâkdaw a, a hukdamna le thaumei kuang tak gual ah a hung vak masangsia chu, Zion ziakin thip hiat hiat pua’ng ka tin, Jerusalem ziakin kichawl hiat hiat thei pua’ng ka.

ISAI 63:5

Ka dâk vêl leh, kuama a panpi ding a um pua; ka bân ka jak ah, kuama a tuktâng ding a um pua, mak ka sa ma ma hi. Tichun, keima khutbân chun zaw’na ei pia ta’n, ka hachangthakna chun ei tutâng tai.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

LUKA 2:30

la hukdamna chu ka mit ngei in ka mu tak ziakin;

LUKA 3:6

Ziaphat chuleh, mi zosia’n, Pathian hukdamna hun mu ta’n au”.

NASEPTE 13:47

Lalpa‘n thu ei piak dan chu: ‘Jentelte salvâk dingin ka hun tundaw la hi, lei langkhat tawp chan ah hukdamna lampi taklang dingin,’ ei ti ka hiu,” a tiu a.

JOSHUA 4:24

tichun, lei chung ah nam zosia’n Lalpa bân thahat dan a het ua, nanghaw’n le Lalpa la Pathian uh kumtuang ah la lau zing theina ding un ahi,” ti’n a gen tai.

THUPUAN 14:6

Chun, lei ah um nam tin, chitin, pautin leh mitinte kiang ah gen ding, kumtuang chanchinpha nei vansawlchâk pakhat vanlai jawl ah lêng ka mu’n.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.