ISAI 51:8 - PATHIAN LEKHABU THIANGTHO (BSI)

⁸ Nget in puan gual in ne zo intin, lung in samul a nêk zaw gual hiding ahi ngâl un. Himaleh, ka hukdamna chun kumtuang dai intin, ka hukdamna chun suan zosia tiang dai in a.

ISAI 51:8 ပူးပေါင်းရင်းမြစ်များ

JOB LEKHABU 13:28

Thil muat gual leh puan nget in, a nêk zaw gual in, ka mangthai tai.

JOB LEKHABU 4:19

buanthuak In ah chêng mai mai, leivui bep ah kinga leh, nget ah chimtha ziang thei bep hivang bang gual bep in a muanglâ ta diam maw!

ISAI 14:11

La lopina zosia tawh la thil githei git zosia husa tawh, Sheol ah pai lut ahi tai; thante chu la puanpha hi’ntin, than hon chu la puansil hita’n a.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 50:9

Ei panpipa chu Lalpa Pathian ahi; kua a hem thiam lo ei chansak ding? puan gual in hung chul intiu in, nget in hun ne zo ta’n a.

ISAI 51:6

Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

ISAI 54:9

Zia hi kei â ding ah Noah hun lai gual kha ahi; Noah hun ah tuilet gual kha, lei chung ah tung kit talo ding ah, thu ka la tiam gual khan; tichun, la chung ah lungna talo ding leh, hun vau talo dingin ka kitiam ta ahi.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

HOSEA 5:12

Ziaziakchun, Ephraim â dingin nget tawhbang ka hi’n, Judah Inkuante â dingin muatna ka hi.

LUKA 1:50

Ama ki’chate chung ah chun, a jangaina chu a khang, a khang inle um zing ta’n a.