ISAI 51:6 - PATHIAN LEKHABU THIANGTHO (BSI)

⁶ Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

ISAI 51:6 ပူးပေါင်းရင်းမြစ်များ

SAM 103:17

Lalpa ngilnei hepina vang, ama laute chung ah kumtuang ah pat, kumtuang tiang in um intin; a dikna chule a suan a pâkte tiang in um intin;

SAM 111:3

A thilbawl chu ja umna leh lopina’n a dim a, a dikna’n kumtuang a dai hi.

ISAI 13:13

Ziaziakchun, sepai honte Lalpa lungnatna hun, a lung kitongkhon ni a hung tun phat leh, vante kithinsak ing ka tin, lei chule a umna mun ah kipat, thindaw in hung um ta’n a.

ISAI 33:6

ama chu la hun leh phat kingakna, hukdamna kiningting, pilna leh hetna hung hi’ntin; Lalpa kichâkna chu a go hi’n a.

ISAI 34:4

Van ah aksite zosia mangthai ta’n tin, van chule lekhabu zialthaw gual ah zial daw in um ta’n a. Van lam ah thil um zosia chu, grep dua kâu a gui ah kipat a pul ah, theichang ga hût a kung ah a pulthâk gual in, pultha zo ta’n au.

ISAI 40:26

La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 50:9

Ei panpipa chu Lalpa Pathian ahi; kua a hem thiam lo ei chansak ding? puan gual in hung chul intiu in, nget in hun ne zo ta’n a.

ISAI 51:8

Nget in puan gual in ne zo intin, lung in samul a nêk zaw gual hiding ahi ngâl un. Himaleh, ka hukdamna chun kumtuang dai intin, ka hukdamna chun suan zosia tiang dai in a.

ISAI 54:10

Tângte chu tawl mang ah um in, mualte chu lakdaw in hung um ziang maleu le, ka ngilneina chun hun nusia pua’n tin, kilemna thuthung chu lâkdaw hita pua’n a, ti’n nangma hun lainatpa, Lalpa chun a ti ahi.

ISAI 54:9

Zia hi kei â ding ah Noah hun lai gual kha ahi; Noah hun ah tuilet gual kha, lei chung ah tung kit talo ding ah, thu ka la tiam gual khan; tichun, la chung ah lungna talo ding leh, hun vau talo dingin ka kitiam ta ahi.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

MATTHAI 24:35

Lei leh van mangthai intin, ka thu ahileh vang mangthai pua’n a.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

DAN LEKHABU 4:19

Chuleh, van lam en ah la dakdok ua, Lalpa la Pathian un van nuai nam tin lak ah a hawm gual sa nisa, thapi, aksite leh van ah thil um zosiate chu la mu phât ua leh, Pathian gual ah ho ding ah pui mang in um kiu in.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

HEBRAITE 9:12

Kelte leh bawngnote thisan hilo in, ama thisan ngei in Mun thiangtho pen ah chun khatvei thu’ lut in, kumtuang tatna chu a siam ta ahi.

HEBRAITE 9:15

Ziaziakchun, ama chu thuthung thak palai a hung hita’n, thuthung masa nuai ah bawsiatnate kipat kote chun kumtuang goluana thutiam chu a chan theina ding un, a thina chun a tandok tai.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.