ISAI 51:5 - PATHIAN LEKHABU THIANGTHO (BSI)

⁵ Kin tak in ka hukdamna hun naisak ing ka tin, ka hukdamna pawtdok in, ka khutbân in mi tinte chung ah vaihawm ding ahi; kawlkil tiang ah mite’n ei ngâk un, ka khutbân chule a kinepnau ahi.

ISAI 51:5 ပူးပေါင်းရင်းမြစ်များ

SAM 110:6

Namtin lak ah vaihawm intin, kidona phual chu mithiluang ah hi’dim in, lei chung zosia lengte luchang chu tan piak in a.

SAM 67:4

Namtin chu kipak uh hen la, lim in La sau hen, nang in mi tin chu dangdâk neilo in, vai la hawm piak ah, lei chung ah namtin la kaibât ziak ah hin. (Selah)

SAM 85:9

A hukdamna chu ama laute nai ah chun a um sek in, I gam ua a lopina a um den theina dingin.

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

ISAI 26:4

Bangtik lai inle Lalpa chu ging in, Lalpa Jehovah, kumtuang suangpi det tak chu, la nei ngal a.

ISAI 33:2

Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 40:10

En un, Lalpa Pathian chu thilhitheina tawh a hung in, a bân thahât in vai a hawm hi. En un, a kipakman chu a kiang in a um in, a thukna chun a kitonpi zing hi.

ISAI 42:4

Khawvel ah a vaihawmna a dindaw masia, chautha pua’n tin, lungthuai diak pua’n a; thialkâl gam ah mite’n a thuhilna chu a la ngak zing ui.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

ISAI 56:1

Lalpa chun zia gual hin a gen a: Thu dik in vaihawm unla, dik tak in bawl un; ka hukdamna chu hung tung pai ta’n tin, ka hukdawna chule hung kilang pai ziang ding ahi ngal a.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

ISAI 60:9

Tuikual gam tin ah umte chu ka jai ei ngâk in, Tarshish longliante chu hung masa’n, khual gamla tak ah kipat la chate, a sana leh dangkateu tawh hun pawkhawm dingin, Keima, Israel Mithiangtho Lalpa, la Pathian uh hin, Keima ei chawihoi theina ding un, la mipiteu chu ka chawisâng ta’ngal a.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

ISAI 63:5

Ka dâk vêl leh, kuama a panpi ding a um pua; ka bân ka jak ah, kuama a tuktâng ding a um pua, mak ka sa ma ma hi. Tichun, keima khutbân chun zaw’na ei pia ta’n, ka hachangthakna chun ei tutâng tai.

JOEL 3:12

Namte amau leh amau kichoktho uh hen la; Jehoshaphat Phâijawl ah chun hung khawm uh hen; zia mun ah chun a kîmvêl ah nam zosiate chung ah, vaihawm ding ka hi’ngal a.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MATTHAI 3:2

“La gitlo uh haisan tau in, van-gam chu a nai tai,” ti in.

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

NASEPTE 17:31

ama’n ni a tep ziakin, ziaphat chuleh, a mi guat chu lei ah mite dik tak in vaihawm piak in a, Pathian in ama chu mithi lak ah kipat kaitho in, mi zosia kiang ah a hiatsak tai, a tia.

ROMTE 2:16

Ka chanchinpha gen gual ahin, zia ni phat chuleh, Pathian in mihing lunggil ngaituana zosia chu, Jesu Khrista ah chun vaihawm piak ding ahi.

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

DAN LEKHABU 30:14

A thu la het ua, la zuitheina ding ua zia gual ah chu um hi mai jenlo in, la kam uh leh la lungthim ua naicha um ahi ngâl a.

1 SAMUEL 2:10

Lalpa do-te chu suksiat hi’n tiu in; Chungnung Penpa chu vanah, van-gi’n hung ding ahi. Lalpa‘n kawlkil tiangah vaihawm intin, a lengpa kiang ah hatna pia’n tin, a sathaunu’te thilhitheina chu vang, chawisâng ding ahi, ti in.