ISAI 51:4 - PATHIAN LEKHABU THIANGTHO (BSI)

⁴ Ka mipite haw, ka thugen ngai unla, ka nam têlte haw, ei ngaisak tiam un; keima ah kipat in kihilna hung pawt intin, ka vaihawmna thu le mi tinte salvâk dingin, hung pawt in a.

ISAI 51:4 ပူးပေါင်းရင်းမြစ်များ

SAM 106:5

la mi doichuamte vangphatna chu ka muu ah, la chite kipakna chu ka limpi ah, la gochante chu ka kisuanpi theina dingin.

SAM 147:20

Ama’n namdangte lak ah kua chung inle, zia gual chun a bawl ngai pua’n; a dan siamte chule a he diak puau hi. Lalpa chu pâk tau in!

SAM 33:12

Lalpa chu Pathian ah nei nam chu mi hampha a hiu; ama go ding ah têlte ngei chu.

SAM 50:7

“Aw ka mite haw, ngai un, thu gen ding ka hi; Aw Israel, ngai in, la diklona hun hetchiansak ding ka hi. Keima Pathian, la Pathian chu ka hi.

SAM 78:1

Aw ka mite haw, ka hilna hi ngaisak unla; ka kam ah thu pawtte hin la bil uh daw tiam un.

PAWTDAWNA THU 19:6

Chuleh, kei â dingin nang uh chu thiampu lenggam leh nam thiangtho hiding la hiu. Zia thute hi Israelte zosia kiang ah la gensawn ding ahi,” ti’n a gen a.

PAWTDAWNA THU 33:13

Tu’hin, la mittungna ka hi chun, nangma ka hun hetchian theina ding leh la mittung ah ka um zing theina dingin, tu’ ma ma hin la lampite hi lungsiat tak in ei hetsak ta’n la; chuleh, zia mipite hile nangma mi ngei a hiu ti ngaitua ta’n la,” a tia.

THUPILTE 6:23

Thupiak chu thaumei ahi’n, thuhilna chu vâk ahi; thununna ah sukdikna chu hinna lampi ahi;

ISAI 1:27

Vaihawmna dik ziakin Zion chu hukdaw in um intin, chuleh, a sung ah chun a gitlonau haisan ah lungheite chu, dikna hukdaw in um in au.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 26:2

A ginnau vopdet zing mifelte chu a luttheina ding un, kul kotkhakte chu hong un.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 42:21

Lalpa chun a dikna ziakin, a zilsakna choisa’n ah suklopi chu a lung lam tak ahi.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

1 KORINTH 9:21

Dan neilote ka lâk lut theina dingin, (Pathian dan awi lo diak lo in, Khrista dan zawm zing ngal in) dan neilote lak in, dan neilo gual in ka um sek hi.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: