ISAI 51:3 - PATHIAN LEKHABU THIANGTHO (BSI)

³ Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

ISAI 51:3 ပူးပေါင်းရင်းမြစ်များ

THILSIAM THU 13:10

Lot chu Zoar khua lam nga’n a dakdok ah, Jordan phâijawl zosia Lalpa huan gual, Aigupta gam gual ah pha, mun tin ah tui kiningting ma ma ahi ti a hia’n; Lalpa’n Sodom leh Gomorrah khuate a sukmangthai ma kha ahi ngal a.

SAM 85:8

Lalpa, Pathian in a thugen ding chu, ngaitha’ng ka tin, a mite leh a mi thiangthote kiang ah, thamuanna ding thu gen ding ahi ngal a; lungthim gil tak ah ama lam ah, kihei kit tapote kiang ngei ah chun.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 35:6

ziaphat chuleh, kengbaite chu, sazuk gual in kichawm ta’n tin, pautheilote chunle lim tak in La hun sadok ta’n au. Gamthip ah tuite hung kikhawdok in, gamkeu ah lui luang del del ta ding ahi ngal a;

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 43:19

Thil thak khat hun bawl ding ka hi; tu’hin a hung dawndok tai, muthei nai lo la hiu em? Gamthip ah chun lamlian hun bawl ing ka tin, gamkeu ah chun luiliante hun luan sak ding ka hi.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 49:19

La mun se’sau, giauchangte leh, la gam suktawp ah umte chu, matheilo in chêng dim kit in, neu talua hun sa hial ta’n lau; nanghaw hun chomgamte chu vang, gamla tak in jam ta’n au.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

ISAI 52:9

Nanghaw hisiat ah um ta Jerusalem ah umte haw, kipak ah La sa’n hung kikodok tau in; Lalpa‘n a mite a thamuan in, Jerusalem chu a hukdok kit tai.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 65:18

Himaleh, zia ka thilsiam ziak ah chun, lim leh kipak tak in um zing un; ngai tiam in, Jerusalem chu kipakna ding leh, a sung ah chêngte le limna hiding in ka siam ahi.

JEREMIAH 31:25

Thachawl zosia hitai ing ka tin, basam zosia le suhal ing ka.

EZEKIEL 28:13

Pathian huan, Eden ah la um hi; suang mantam chitin: karnelian, topaz leh jaspar, krusolit, beril leh onik, saphir, karbankul leh emeral, zosia hi la kicheina a hiu a; la kicheina zosia chu sana ah kisiam ngen ahi. Nangma kisiam ni khan ziate zosia hi, nang â ding ah siam ahi tau hi.

EZEKIEL 36:11

la sung ah mihing hileh, gancha hileh hi’pung ta’ng ka. Pung intiu in, ga sua in au; ma lai gual khan la sung ah hun chênsak kit ing ka tin, malai sâng in la chung ah thilpha bawl zaw ta’ng ka.

EZEKIEL 36:35

Chuleh, “Zia gam nutsia ah um kha Eden huan gual ahi kit in; khawpi hisiat leh nutsiasate le chênkitna leh kulpi ah ûm bit ahi kit tai,” ti ta’n au.

JOEL 2:3

A malam uh mei in a kâng tum pek ah, a nung lam uh meikuang in a kâng hi. A malam ua gam chu Eden huan gual ahi’n, a nunglam uh chu gamthip thawmhau gual ahi. Bangma suakcha pua’n a.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.