ISAI 51:22 - PATHIAN LEKHABU THIANGTHO (BSI)

²² Chungnung Penpa Lalpa, la Pathian, a mipite sik leh jal gen piak sekpa chun, zia gual hin a gen hi: En un, kithinna no chu, la khut ah kipat in ka lamang tai; ka lungnatna no ah kipat in, dawn kit ta pua’n la.

ISAI 51:22 ပူးပေါင်းရင်းမြစ်များ

SAM 35:1

Lalpa, ei kilanpite chu nang in kilanpi inla, ei do-te chu nang in do ta’n.

SAM 60:3

La mite hi thil haksa tak tak la thoksak ah, zukham gual ah ka zoithâkna ding un, dawn ding zu lei piai.

THUPILTE 22:23

Lalpa‘n amau chu genpi gêl gêl ding ahi ngal a; amau haw chomgam taphot chu, Lalpa‘n amau hinna le chomnâm ding ahi.

ISAI 29:9

Ki-ngolsak unla, ngolden tau in, kimulosak unla, mitthûm den tau in! Dawn kham un, zu chu hilo in; hoi dong dong tau in, zukha kham chu hilo in!

ISAI 3:12

Ka mipite haw, naupangte chu a chuanden in a pang tau in, numeite chun a chung un vai a hawm ui. Aw ka mipite haw, la puituteu in a hun pui khial tau in, la lampiteu a subuai zo tau hi.

ISAI 3:13

Thupi gen dingin Lalpa a kipan tai; a mipite chung thu tan dingin a dingdok hi.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

ISAI 62:8

Lalpa chun a khut changlam, a khutbân thahât suang in thu a tiam hi: “La sepgimnau ga chu la mêlmateu, nêk dingin pia ta pua’ng ka tin, la grep tuiteu chule gam dang mite’n, dawn kit ta pua’n au;

JEREMIAH 25:15

Zia gual hin Lalpa, Israelte Pathian chun a gen ngal a: Ka khut ah kipat in zia ka lungnatna zuhâi hi la’n la, ka hun sawlna ding namte zosia chu dawnsak in.

JEREMIAH 50:34

Amau Tanpa chu vang a hat hi; a min chu Sepai honte Lalpa ahi. Khawvel gâlmuang tak ah a um ah, Babulon gam ah chêngte buai tak ah a umna ding un, amau chung thu ding chu vang khawksak in a.

JEREMIAH 51:36

Ziaziakchun, Lalpa‘n zia gual hin a gen a: Nangma hun panpi ing ka tin, la phuba chu hun la ding ka hi. A tuipi hikang ing ka tin, a tuinâk keugawpsak ing ka;

KÂ LATE 3:15

Khâtna’n ei hi’dim in, gamsai ei dawnsak hi.

KÂ LATE 3:58

Aw Lalpa, ka chung thu lei ngaitua piak ah, ka hinna la hukhing tai.

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

JOEL 3:2

nam zosia Jehoshaphat phâijawl ah pui khawm ing ka tin; ka go leh ka mipi Israelte, namtin lakah a la the’chek ziak un a chung un vaihawm ding ka hi. Ka gam chu a la kihawm jak tau in,

OBADIAH 1:16

Ka tâng thiangtho ah la dawn tak gual ngei in, la kîmvêl ah namdang zosia’nle dawn in au; ahi, la dawn intiu in, zia gual chu a la dawn kha ngailo gual khop in, thol kut kut in au.

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

ZEKARIAH 12:2

En un, Jerusalem chu a kîmvêl ah mipi zosia â ding ah khamna no in siam ding ka hi; Jerusalem khawpi bulu ah a um phat leh, Judai gam chule bulu in um ta’n a.

MATTHAI 20:22

Himaleh, Jesu’n a dawnhu a, la thildot hi bang a hile helo la hi. Ka no dawn ding chu dawn thei ding la hiu ah a hem? a tia. Amau chun, thei ing kau, ti’n a dawnhuu a.

1 SAMUEL 25:39

David in Nabal a thi tai ti a het phat in, “Nabal in ei hosiatna thu ei ngaitua piak ah, a suak hi thil phalo bawl lo ding ah ei la tutâng Lalpa chu choihoi in um ta hen. Lalpa‘n Nabal chu a thil phalo bawl man a dit ta ahi,” a tia. Ziaphat ah chun, David in mi a sawl ah, Abigail chu a ji dingin a va hêlsak tai.