ISAI 51:19 - PATHIAN LEKHABU THIANGTHO (BSI)

¹⁹ Zia thil panite hi la tuak ding a um ah, kua’n a hun dâpi ta diam? Hi’gamna leh hi’siat dim dem hun ah, kialna leh chemjam lênna, kua’n a hun thamuan ta diam?

ISAI 51:19 ပူးပေါင်းရင်းမြစ်များ

JOB LEKHABU 2:11

Tu’hin, Job gualpha mi pathumte chun a chung ah thil phalo hung tung zosia chu a la het phat un, a In chiat ua kipat in a hung tau a: Teman mi Eliphaz, Shuhi mi Bildad leh Naamath mi Zophar a hiu a. Job thamuan ding ah chia dingin a kimukhawm tau a.

JOB LEKHABU 42:11

Ziaphatchun, a suapite zosia leh a la mêl hiatsate zosia a hung khawm ua, a In ah chun luaithe’na a siam tau ah; Lalpa‘n a chung ah thil phalo a tunsak zosia ziakin a thokpi un, a thamuan tau ah; mi tin in paisa neucha chiat leh sana khutsebi a pechiat tau a.

SAM 69:20

Mi ei gensiatna ziakin ka tha a sia’n, nasa tak in ka lungkham hi. Ei hepi ding ka hawl in, khat chale a um puai; ei thamuan ding ka hawl in, khat chale ka mu zo puai.

THUGENTU 4:1

Chuleh, khawvel ah kinuaisiana zosia hi ka vak mu ta’n. En tiam in, nuaisia ah umte mitthi leh a thamuan ding neilo dan uh khi! A mau nuaisia tute chun thilhitheina a nei dan uh leh, amau thamuan ding a umlo dan teu hi ka ngaitua a.

ISAI 14:30

Migenthei cha masa chun an ne vâ intin, mi tasamte chu thamuang tak in lum hiat hiat ta’n au; maleh, la suante chu kial in thi’sak ing ka tin; la lak ua a suakcha sunte chu hun that nalai ding ka hi.

ISAI 22:4

Ziaziakchun, zia gual hin ka gen tai: Ei kiheimangsan unla, theitawp in kap ing ka; ka mipi doitakte siatna sûn ka hiziak in, ei he’nêm se se kiu in.

ISAI 47:9

Himaleh, ni khat thu in, phutlo in zia thil zosia chu hun tuak ding la hi. Dawithiam leh âisân thiam bang jat nei malechin, la chate hun sûn in la tin, meithâi hung hiding la hi.

ISAI 54:11

Aw, nang sukgenthei ah um, thigawpi’n a mût lumlet, thamuanna him him nei lo, la suangte kha a jem hoi tak in, hun siam piak ing ka tin, la In suangphûm ding chu, sapphire suang mantam in hun lep piak ing ka.

ISAI 60:18

La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 61:2

Lalpa lungdamna kum thu leh, I Pathian uh phuba lâkna ni vapuangjak ding leh, lusûn zosia vathamuan dingin, ei sawl a;

ISAI 8:21

Lunggim tak leh gilkial in gam chu chuan suak intiu in; a gil uh a kial phat leh a lung uh na’n tin, a lengpau leh a pathianteu samsia’n au. A mitteu van lam nga’n tin uh;

ISAI 9:20

Changlam kâi ah huaihap tak in ne maleu, a kial tho tho un; chuleh, veilam kâi in val zo maleu, a vâ diak puau hi, ti in. Amau chate sa nasan a ne tau hi!

JEREMIAH 15:5

Aw Jerusalem, kua’n hun lainat a, kua’n hun sûn ding ahi tam? Kua’n hung kihei ah la chanchin, hung kan ta ding a hem?

JEREMIAH 24:10

Chuleh, amau leh a pu leh pateu kiang ah ka la piakna gam ah kipat, suksiat dim dem a hizaw masang siau, a lak un chemjamte, kialnate leh natpite sawl piak ding ka hi.

KÂ LATE 1:12

Nanghaw lampi vak lumlette haw, nang uh â ding ah bangmalo hiziang a hem? Ei hun en tiam un, ka chung ah lungngaina tung, Lalpa‘n a lungnat hun ah, ka chung ah a hun tunsak gual hi, a um ngai diam?

KÂ LATE 1:9

A buakna chu a nîk in a bek ah, a khawnung thu ding bangma a gêl puai; a kiak niamna chu huaisia tak ahi, a thamuan ding khat le a um puai. “Aw Lalpa, ka haksat dan hi hun en tiam in, mêlmate’n ei tawden tau hi!” a ti’n.

KÂ LATE 3:47

dipdapna leh kawkhûk in ei tuam ta’n; châkvaina tawh siatna tawh le.

EZEKIEL 14:15

A gam susia ding ah gam sahângte ka sawl lut chun, a gam chu nutsia’n um ta’n tin, gam sahângte a lau ziak un, kuama’n haw ngam talo ding a hiu;

EZEKIEL 14:21

Lalpa Pathian in zia gual hin a gen ngal a: Jerusalem gawtna palite, chemjam, kialna, gam sahângte leh natpi, mihing leh gancha that gam ding ah ka hun sawl hun ding chu a huaisia na ding e!

AMOS 7:2

Gam ah hampa zosia a nêk zaw phat un, keima’n: “Aw Lalpa Pathian, ngaidam in, la ngaidamna ka dawn hi! Jakob bangti’n pang zo ding a hem? Ama a neu ngal a!” ka ti ta’n.

NAHUM 3:7

Nang hun mu kha taphot chu kizok in nungkit intiu in; “Nineveh chu a segam ta’n, kua a hem siatbat ta ding,” hun ti’n au. Khawi lam ah kipat in a hun thamuan ding, vahawl piak ta ding ka hem?

2 KORINTH 7:13

Keimau thamuanna chung in, Tita kipakna ziak ma chunle ka kipak zaw diak ua; a lunggil la hi’hal tâk ziak un.