ISAI 51:18 - PATHIAN LEKHABU THIANGTHO (BSI)

¹⁸ Ama hinsa a chate lak in, ama chingsui thei ding khatle a um puau in; ama hindaw a chate lak in, a khutbân ah kaibât ding khat le a um puau hi.

ISAI 51:18 ပူးပေါင်းရင်းမြစ်များ

JOB LEKHABU 8:20

“Ngaitia, dem kâi lo mi chu, Pathian in pâmpai pua’n tin, mi nunsiate khutbân chule panpi diak pua’n a.

SAM 142:4

Ka changlam en inla, ngaitia: kuama ei limsak a um puau in; ka kisêlna dingle a um ta puai; kuama’n ei khawtua puau hi.

SAM 88:18

Ka gual leh ka Invêngte chu lei gamlatsak ah; ka gual ngaite chu thim lak in la umsak ta’i.

ISAI 41:13

Keima, Lalpa la Pathian in, la khut changlam ka tuzing ngâl a. La kiang ah: “Lau kin, hun panpi ding ka hi,” tipa chu keima ka hi’ngâl a.

ISAI 45:1

Lalpa chun a sathaunu’ Kuras, nam tinte tawden ah, leng leh lalte a lal puan uh lîp thâksak ding leh, a ma-âng ah kotkhakte a la hong dingin ka la guat ta’n;

ISAI 49:21

Ziaphat chuleh, la lungguk in, “Ziate haw hi kua ei hun hinpiak a hitau em? Kei chu la chate sûn ah cha nei theilo, sal ah pui mang ah um leh, naw mang ah um ka hita’n, a leh, ziate haw hi kua’n a la kaitua ahi tam? Keima ngawn ah nutsia in ka la um ah, ziate haw hi khoi tak ah hung kipan a hiu em?” hun ti ta’n lau.

ISAI 54:11

Aw, nang sukgenthei ah um, thigawpi’n a mût lumlet, thamuanna him him nei lo, la suangte kha a jem hoi tak in, hun siam piak ing ka tin, la In suangphûm ding chu, sapphire suang mantam in hun lep piak ing ka.

JEREMIAH 10:20

Ka puanbûk suksiat a hita’n, ka khauhual zosia le suktan ahi tai; ka chate zosia’n le ei nusia tau in, a um ta puau hi; ka puanbûk ei jak piak ding leh, ka puanjak ei kândet piak dingle a um ta puau hi.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

EZEKIEL 34:6

Ka belamte a kithejak zo tau in, mual tin, tâng tin ah a vâk chek zo tau hi; ka belamte chu lei chung mun tin in a vâk chek zo tau in, kuama a hawl ding leh a kan zui ding a um puau hi.

AMOS 5:2

Thodok kit talo ding ah kipûk chu, nungak thiangtho Israel ahi; ama gam ah nutsia a hita’n, ama kaitho ding khat le a um ta puai.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

MATTHAI 9:36

Mipite chu a mu phât in, a ching ding umlo belam gual ah genthei leh chavai ah um chu a mu in a lainat ma ma a.

MARKA 8:23

Mitthûmpa chu a khut in a kaibât ah, khawpi pâm lam ah chun a puidok ah; a mit ah a chil a sek ah, a chung ah a khut a ngak zaw in, “Thil la muthei em?” ti’n a dong a.

NASEPTE 13:11

Chuleh, tu’hin ngai in, Lalpa khut in a hun do la hi, hun chomkhat sung la mitthûm intin, nisa mu pua’n la,” a tia. Ziaphatchun, chimchi leh thimna chun a hun chup tangal ah, a khut ah kaibât ding mi a hawl tai.

NASEPTE 9:8

Saul chu leitual ah kipat a hung thodok ah, a mit a hun têt kit leh, kuama a mu thei ta puai; tichun, a khut in a kaibât un, Damaska khua chu a pui lût tau hi.

HEBRAITE 8:9

a pu leh pateu Aigupta gam ah kipat, puidok ah a khut ua ka kaibât lai gual kha hitalo in, ka thuthung a jawm pawngal un; ziaziakchun, ka ngaisak tâk lo ahi,’ Lalpa‘n a ti’n.