ISAI 51:16 - PATHIAN LEKHABU THIANGTHO (BSI)

¹⁶ Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

ISAI 51:16 ပူးပေါင်းရင်းမြစ်များ

SAM 75:3

Lei leh a sung ah um zosia a kilîn phat leh, keima ngei hi ka hi a khuamte phudetpa chu. (Selah)

SAM 91:4

a tha chun hun khû intin, a thalîm nuai ah chun bit tak in um in la tin; a ginumna chu phawlian leh phawneu ahi ngal a.

SAM 92:13

Amau chu Lalpa In ah kiphut a hiu in, I Pathian biak In huang sung ah chun, no let lut in au.

PAWTDAWNA THU 33:22

ka lopina’n la ma-âng a hun phâk phat leh, suangpi kêk kâl in hun koi ing ka tin, ka hun chiasan masia ka khut in hun hûm ding ka hi;

PAWTDAWNA THU 4:15

Ama kiang ah thu gen in la tin, la kam leh ama kam chu umpi ing ka tin; chuleh, la bawl ding hun hil ding ka hi.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

ISAI 48:13

Ka khut hin lei kingakna suangphûm chu ka la lem in, ka khut changlam hin vante khi ka la kaimal tai; amau chu ka vak ko si’n leh, ja tak in a hung ding sek ui.

ISAI 49:2

Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

ISAI 57:19

A gamla leh a nai tuam ah umte haw, thamuang unla, thamuang tak in um un, Lalpa‘n a tii; tichun, sudam ding ka hi.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 65:17

Ngaitia, van thak leh lei thakte chu ka siam in, thil masate chu het zing hita pua’n tin, ngaituana’nle lut ta pua’n a.

ISAI 66:22

Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

JEREMIAH 1:9

Ziaphatchun, Lalpa‘n a khut a hun thadok a, ka mûk a hun khoi a; chuleh, Lalpa‘n ka kiang in: “Ngai in, la mûk ah ka thu ka koi tai.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.

DAN LEKHABU 33:27

Ama’n tuanah tângah pathiante a nuaisia ah, malai ah thuneite chu a tawden ah; la mêlmate la âng un a del mang a, a kiang un, “Hi’mangthai un,” a tii.

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

2 PETER 3:13

Himaleh, a thutiam gual in van thak leh lei thak, a sung ah dikna um chu I ngâk zing ui.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;