ISAI 51:13 - PATHIAN LEKHABU THIANGTHO (BSI)

¹³ Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 51:13 ပူးပေါင်းရင်းမြစ်များ

ESTHER 5:14

Ziaphatchun, a ji Zeresh leh a gualte zosia chun a kiang in, “Tong sawmnga sâng in mi khailupna ding siam inla, jing leh lengpa kiang ah chun Mordekai khailum dingin don in; zia phat chuleh, lengpa tawh lungthim nuam tak in an ne’khawm dingin chia ta ding la paw em,” a ti tau a. Zia thu chu Haman lung lam tak a hia, mi khailupna ding chu a siam zo ngal tai.

ESTHER 7:10

Tichun, Mordekai khailupna ding ah Haman in a bawlsa chun ama chu a khailum tau a. Ziaphatchun, Lengpa lungnatna chu a dai tai.

JOB LEKHABU 37:18

Ama gual ah nang in, lîmlang hal gual ah tâk, vante chu phejak thei bek ding la hem?

JOB LEKHABU 9:8

ama bep in vante a kaimal ah, tuisuagiat ah dragon chu a chuan den ah;

SAM 104:2

khawvak hi puan gual ah kithuamna’n la mang hi. Puanbûk gual in vante la kaipal in,

SAM 106:13

Ahi’n la, a thilbawlte a hemil pai un, a lemguatna a ngâk zo ta puau hi.

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

ISAI 10:24

Ziaziakchun, sepai honte Lalpa Pathian in zia gual hin a gen hi: Aw ka mipi, Zion ah chêngte haw, Aiguptate’n la chung ua a mol uh a lap gual ua, Assuriate’n a mol ua a hun jep phat uh leh lau kiu in.

ISAI 14:4

zia gual hin Babulon lengpa chu êngho ta’n la: bangtidan ah mi tawden talo! bangtidan ah mi êngho talo!

ISAI 16:4

Moab gam ah kipat nawdaw ah umte chu, la lak un chêng uh hen la; amau susetu ah kipat a kisêlnau hung hi’n. Hi’gentheitute a bei ah, siatna a hung bei ah, gam ah kipat susetute a bei phat uh leh,

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

ISAI 40:21

A la he’kha lo la hem? he’kha lo lai la hem? A lim ah kipat a hun hil puau ah a hem? Lei kisiam lim ah kipat a la hethiam nai lo la hiu em?

ISAI 40:22

Leilung huap phâk khêl lam ah, lal chutpha sâng tak in a kichu hen, a mipite chu khauphak hon a bang ui. Puanjak gual in vânte khi a kaipal in, chênna ding puanbûk gual in a kaimal hi.

ISAI 42:5

Lalpa Pathian, vante siam ah kaipalpa, lei jak pal ah a sung ah um zosia umsakpa, a chung ah chêng mipi zosia hinna pepa leh, a sung ah chia lumlet zosiate thagau pepa chu:

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:12

Lei pumpi leh a sung ah mihingte hile ka siam ahi; keima khut ma ma’n vante khi ka jak pal a, a sung ah um zosia le ka thu um chiat a hiu.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

ISAI 48:13

Ka khut hin lei kingakna suangphûm chu ka la lem in, ka khut changlam hin vante khi ka la kaimal tai; amau chu ka vak ko si’n leh, ja tak in a hung ding sek ui.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

ISAI 57:11

Kua la lau ziak leh la kichâk ziak ah zuau gen ah, keima ei hemil ah, la lungthim ah le ei gêl kha talo la hitau em? Thipbek ah um in, ka mit ka sîn san ziak ah ei lau lo la hiu maw?

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

ISAI 9:4

Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 38:19

Lengpa Zedekiah chun Jeremiah kiang in, “Kaldai mite kiang ah lutsa Judah mite chu ka lau hi; amau khut ah ei pedok ah, ei suasal kha’n au ti ka lau hi,” a ti’n.

JEREMIAH 41:18

Kaldaite a lau ziak un; Nethaniah chapa Ishmael chun, Ahikam chapa Gedaliah chu a la that ta’ngal a; ama chu Babulon lengpa’n a gam pumpi chung ah vaihawm ding ah a la pansak ziak ahi.

JEREMIAH 51:15

A thilhitheina Lei siam ah, a pilna khawvel tungding ah, a lemhiatna vante kaimalpa chu ahi.

JEREMIAH 51:19

Jakob chanvo Lalpa chu vang, zia gual chu a hipua’n, thil zosia siamdokpa ahi’n; Israelte hi a gochan namte chu a hiu; sepai honte Lalpa chu a min ahi.

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

DANIAL 3:18

Ahi’nla, a chutilo tâk leh le, Aw lengpa, la pathian na chu sêm pua’ng ka tiu in, la sana milim siam chule ho diak lo ding ka hiu ti he ta’n,” ti’n a dawnhu tau a.

DANIAL 3:19

Ziaphatchun, Nebukadnezar chu Sadrak, Meshak leh Abednegote chung ah lungna talua’n, a mêl a danglam hial ziang ta’n. Meipi chu ale’sagi ah tik sa zaw dingin thu a pia’n;

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

1 KORINTH 1:20

Aleh, mipil chu khoi ah um a hem? Lekha zikpa chu khoi ah um a hem? Zia khawvel ah mi nial hat chu khoi ah um a hem? Pathian in khawvel pilna hi thil ngolhuai a chansak ta hilo a hem?

1 KORINTH 15:55

“Aw thina, la zawna khoi ah a um tam? Aw thina, la gu chu khoi ah a um tam?” ti thu kizik hi guitung ta’n a.

DAN LEKHABU 32:18

Nangma hun hingtu Suangpi chu, la ngaisak puau ah, nang uh hun siampa Pathian chu, la hemil tau hi.

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

DAN LEKHABU 8:11

Lalpa la Pathian uh hemil ah, tu’ni ka hun thupiak a thuthungte, a dan thute leh a vaihawmna thute hi zui lo ah la um lona ding un chingthei tak in um tau in.

HEBRAITE 11:15

A hung pawtdawnau gam chu lunggul kit leu, kile’kitna ding lemchâng nei ma ma in au.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 20:9

Lei vailam dâp suak hial ah kitawl to in, mithiangthote kikulna leh a ngainat khawpi chu a ûm kîmvêl tau ah; himaleh, van ah kipat chun mei ahung ketha a kâng tum tai.