ISAI 51:11 - PATHIAN LEKHABU THIANGTHO (BSI)

¹¹ Tichun, Lalpa tatsate chu hung kile’kit in, La sa kawm in Zion ah hung in au; a luchung ua kumtuang kipakna khuk in, limna leh kipakna chang in, lungngaina leh lusûnna zosia bei ta’n a.

ISAI 51:11 ပူးပေါင်းရင်းမြစ်များ

SAM 126:2

Zia lai ah khan I kam uh nuina’n a dim in, I lei uh le limna’n a dim a: “Amau â dingin Lalpa‘n thil lopi takte a bawl piak hi,” ti’n namtin in a gen a tiu hi.

SAM 126:5

Mitthi pum ah tûte chun lim tak ah, kiko kawm in lakhawm in au.

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

ISAI 25:8

Ziaphat chuleh, Lalpa Pathian in, maichang zosia ah mitthi thiak-hul ta’n tin; chuleh, a mipite mualpho’na zosia, lei chung ah kipat in lamang ta’n a; Lalpa‘n zia gual chun a la gen ta’ngal a.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 55:12

Kipak tak in pawtdok in la tiu in, thamuang tak ah pui kit hi’n lau; la ma-âng un mual leh tângte chu, La sa’n kikodok intiu in, gamlak ah thing zosia chun, a khut uh hun bêng ta’n au.

ISAI 61:7

A zachatna thok uh a le’ni a hiziak leh, mualphona chu a chantum uh ahi, ti ah genjak a hita’n; ziaziakchun, chantum a thua ah chang ta’n tin uh, kumtuang kipakna chu chang ta’n lau.

ISAI 65:14

ngaitia, ka suakte chu lungthim kipak ziakin, limna La sa’n tiu in, maleh, nanghaw vang lungthim nat ziak leh, lungngaina nat ziakin, kap jak in la tiu in, kiu veng vung in lau.

ISAI 65:19

Jerusalem chung ah kipak ta’ng ka tin, ka mipite chung inle lim ta’ng ka; a sung ah chun kâ thawm leh, thavai kiko thawm het hita pua’n a.

JEREMIAH 31:13

Ziaphat chuleh, nungakte lim tak in lâm ta’n tiu in, tichun, a têk a khang kipak ma ma ta’n au. A lusûnnau limna’n chansak in, thamuan ing ka tin, a lungngainau limna’n chansak ta’ng ka.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

THUPUAN 21:1

Van thak leh lei thak ka mu’n; van masa leh lei masa kha a bei tau a; tuisuagiat le a um ta puai.

THUPUAN 21:4

Tichun, Pathian in a mit ua kipat mitthite chu, thiak hul ta’n tin; thina um ta pua’n tin, lungngainate, kânate, natnate le um ta pua’n a; thil lui zosiate chu a bei tai,” a tia.

THUPUAN 22:3

Hânsia um ta pua’n tin, Pathian leh Belamno lalchutpha chu zia chun um intin; a nasemte chun a na sep piak in au.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.