ISAI 51:10 - PATHIAN LEKHABU THIANGTHO (BSI)

¹⁰ Nangma hilo maw tuisuagiat leh, tuili thûk takte sukang ah, tuisuagiat lithûk ah le tatsate, chia gâlkâina ding lampi hon piak kha?

ISAI 51:10 ပူးပေါင်းရင်းမြစ်များ

SAM 106:10

A mêlmateu khut ah kipat in a hukhing a, gâlte khut ah kipat in a hukdok tai.

SAM 106:9

Tuipi San chu a vau a, tichun, a kang ta’n; gamkeu ah chia gual in tuipi thûk tak in a pui theng tai.

SAM 74:13

La hatna’n tuisuagiat la khen jak a; tuisuagiat dragonte luchang la khet phel piak a.

SAM 77:19

La lampi’n tuisuagiat a haw theng in; la lamlian in tuisuagiat a hawtheng hi; ahi’n, la kengnung chu mu thei ahi puai.

PAWTDAWNA THU 14:29

Himaleh, Israelte chu Tuipi sung ah chun lei hul chung in a chiau ah, tuite chu amau â ding ah changlam leh veilam ah bâng ahi tai.

PAWTDAWNA THU 15:13

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 35:9

Zia tak ah chun sakeibaknei um pua’n tin, sasialne chi, sate him him zia tak ah chun, mu phâk inle um ta pua’n au; maleh, tatsate chun zia lampi chu haw ta’n au.

ISAI 42:15

Mual leh tângte hun nuai ing ka tin, a chung ah hamhing zosia keugawpsak ta’ng ka; luipite chu thialkâl suaksak ing ka tin, dilte chule keusak ing ka.

ISAI 43:16

Tuisuagiat lak ah lamlian siam ah, tui hat tak lak ah lampi siampa,

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

MIKAH 7:15

Aigupta gam ah kipat la hung pawtdok lai gual ah khan, thilmak leh kidangte chu ei mu sak ta’n.

ZEKARIAH 10:11

Lungngaina tuisuagiat chu pal gâl kâi intiu in, a tuisuagiat kinawkte chu vaw niam intiu in, Nail luipi tuili thûk te chule kang tan in a. Assuria kiletsakna chu hi’niam hi’ntin, Aigupta lal tiang chunle nusia ta’n a.