ISAI 50:6 - PATHIAN LEKHABU THIANGTHO (BSI)

⁶ Ei vawte ma-âng in ka nungjang ka daw in, ka khamul ah ei mante kiang in, ka ngeibiang le ka daw hi; ei hosia leh a chil ei siatkhumte âng in, ka mai ka sêl puai.

ISAI 50:6 ပူးပေါင်းရင်းမြစ်များ

NEHEMIAH 13:25

Amau ka kinakpi tawh, ka hânkhum tawh, a khenkhat ka jep ah, khenkhatte chu a sam nasan uh ka baw piak ah; ziate chu Pathian min in zia gual gen hin ka kihaksial sak ah: “A chapateu ji dingin a chanuteu pekiu inla, a chanuteu le la chapateu leh nanghaw ji dingin la kiu in.

JOB LEKHABU 16:10

A kam uh ei kâtdal khum un, simmaw tak in ka ngeibiang ei betpiak un, ei eulau dingin a kikai khawm ui.

JOB LEKHABU 30:10

Ei ki’dak un, gamla tak in ei pêl tau; ka mit mu ngei inle a chil uh a phijak sek ui.

SAM 129:3

Leilet mite’n ka nungjang ah lei a let un; jawtlam saupi pi a bawl ui,” ti tau hen.

SAM 69:7

Nangma ziakin gensiat ka hi’n, zachatna’n ka mai a khû zo tai.

SAM 69:8

Ka chanaute lak ah malzin ka hung hita’n, ka nu chate lak ah gam dang mi ka hung hi tai.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

KÂ LATE 3:30

a bêngte kiang ah ngeibiang daw ah, zachakna a thok mai ding ahi.

MIKAH 5:1

Tu’hin vang nang chu bâng ah hual khum la hi tai; ei haw ei hual khum tau hi; Israel vaihawmpa chu a biang mol in a jep ui.

KISIMNA LEKHABU 12:14

Ahi’n, Lalpa chun Mosi kiang in, “A pa’n a maichang ah chil a sek khum mai mai hilehle, ni sagi sung bêk jachâkna thuak lo ding a hem? Miriam hi giamun pawlam ah ni sagi bêk nawdaw hihen la, ziazaw chuleh pui lût kit hi hen,” a hun tia.

MATTHAI 26:67

Ziaphatchun, a maichang ah chil sekkhum in, a vuau ah, khen khat in a bêng ua:

MATTHAI 27:26

Ziaphatchun, Barabba chu a hun thâdaw piak ah, Jesu chu a vok zaw phatin khetden dingin a hun pedok tai.

MATTHAI 27:30

Chil a siatkhum un, luangkang chu la’n a luchang a khet piak un.

MATTHAI 5:39

Himaleh, kei vang in ka hil la hiu, migilo thuk kiu in; la biang changlam bêng tapo chu a langkhat le daw zaw’n la.

MARKA 14:65

Khenkhat in a chil uh sekkhum in, a mai a tuam piak ua; a bêng un, a hil lut lut un, “Thu gen in,” a tiu a. Vêngtute chun a tûk kawm un a bêng malam pek tau a.

MARKA 15:19

Chuleh, a luchang chu luangkang in a vuau ah, a chil uh a sekkhum un; khiangkho in chibai a bûk tau hi.

JOHAN 18:22

Zia a gen zaw phat ah chun, a kiang ah ding zing mi man pakhat hin, “Bangatia, Thiampu lianpen zia gual ah chu dawnhu la hem?” a tia; Jesu chu a vak bêng a.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.