ISAI 50:2 - PATHIAN LEKHABU THIANGTHO (BSI)

² Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

ISAI 50:2 ပူးပေါင်းရင်းမြစ်များ

THILSIAM THU 18:14

Lalpa â dingin thil haksa talua a um ah a hem? Ka hun tiam a tun tak leh hung kit ing ka tiu in, Sarah hin chapa nei in a,” a ti piak ta’n.

2 KHANGTHU 32:15

Ziaziakchun, tu’hin le zia Hezekiah kha kithep zawsak ziang kiu in la, zia gual mai mai ah chun kipuimang sak ziang dingin taksang kiu in; kuate nam hileule, a pathian un amau leh a gam uh hilehle, keima khut leh ka pu leh pate khut ah kipat a pathian un a hukdaw thei him him a um puai. Bangtidan in a hem la Pathian uh chun ka khut ah kipat nanghaw a hun hukdaw diak ding la kinep uh chu!” a vatiu a.

SAM 106:9

Tuipi San chu a vau a, tichun, a kang ta’n; gamkeu ah chia gual in tuipi thûk tak in a pui theng tai.

SAM 107:33

Ama’n luidungte chu gamkeu a chansak ah, tuinâkte le tâng gawchâk a suaksak in,

PAWTDAWNA THU 14:21

Ziaphatchun, Mosi’n a khut Tuipi chung in a vak jak ah. Lalpa’n jankhua’n sualam hui hat tak a hân sak ah, Tuipi chu a le’luansak ah; Tuipi chu lei hul a suaksak ah; chun, tuite chu a kikhensak tai.

PAWTDAWNA THU 14:29

Himaleh, Israelte chu Tuipi sung ah chun lei hul chung in a chiau ah, tuite chu amau â ding ah changlam leh veilam ah bâng ahi tai.

PAWTDAWNA THU 7:18

Lui ah sangate thi’n tin, lui chu hung namsia’n tin; chuleh, Aigupta mite chun Nail luipi ah tui chu dawn dingin ki’dak ta’n au, a tii,” a tia.

PAWTDAWNA THU 7:21

Lui ah sangate chu a thi tau a. Lui chu a hung namsia’n, Aigupta mite chun tui chu a dawn thei ta puau hi. Aigupta gam pumpi chun thisan a um suak kêi tai.

THUPILTE 1:24

Ka ko le la lei dawnhu puau a, ka khut ka jak inle, kuama’n lei ngaisak puau hi,

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

ISAI 19:5

Nail luipi ah tuite chu kang intin, a luidung chu hul in, keugawp ta’n a;

ISAI 23:11

Lalpa‘n tuisuagiat chung in a khut a lâm in, lenggamte chu a kilîng tai; Kanaante kulpite chu hisiatpiak dingin thu a pia tai.

ISAI 36:20

Zia a gamteu hi a gam ua pathiante lak ah kua pen chun ka khut ah kipat a hukdok bek ah, Jerusalem chule Lalpa‘n hukdok in ah, ti la hiu em?” a ti’n.

ISAI 41:28

Himaleh, ka et leh kuama a um ta puau in; a lak un lemguattu khatle a um puau a, ka dot leh le ei dawnhu ding a um ta puau hi.

ISAI 42:15

Mual leh tângte hun nuai ing ka tin, a chung ah hamhing zosia keugawpsak ta’ng ka; luipite chu thialkâl suaksak ing ka tin, dilte chule keusak ing ka.

ISAI 43:16

Tuisuagiat lak ah lamlian siam ah, tui hat tak lak ah lampi siampa,

ISAI 44:27

chuleh, tuili thûk tak kiang ah: “Hung kangtan inla, la lui liante chu hun sukang sik sek ding ka hi,” ti leh,

ISAI 51:10

Nangma hilo maw tuisuagiat leh, tuili thûk takte sukang ah, tuisuagiat lithûk ah le tatsate, chia gâlkâina ding lampi hon piak kha?

ISAI 54:6

Lalpa chun nutsia um ji thasia, tangval lai ji nol ah um, a kokit gual in ka hun ko la hi; la Pathian in a tii.

ISAI 59:1

Ngai un, Lalpa khut chu, a hukdam thei lo ding ah chom talua a hipua’n, a nakhang chule a hethei lo ding ah ngong talua ahi diak puai.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

ISAI 63:13

tuili thûk tak pui gâlkâipa kha, khoilam tung ahi tam? Gamkeu ah sakol gual in a kisui kha puau hi.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

ISAI 65:12

chemjam ah thâgam dingin hun khêk ing ka tin, thâlup dingin hung khûn chiat in la tiu in; ka hun ko leh lei ngaisak lo ziak uh leh, ka hun ho leh lei limsak tâk lo ziak un, ka mit mu ah thil phalo la bawl un, ka thil kipakpi lou lam tak la têl zaw tau hi, ti in.

ISAI 66:4

Ka ko phat leh kuama’n ei dawnhu puau ah, ka ho phat leh a kihiat losak sek un, keima mit mu ngei in thil phalo a bawl un, ka lemsak lo lam lam chu a bawl sek ziak un, a chung un sukgentheina hun tunsak ing ka tin, a lau pen uh a chung un tunsak ding ka hi.

JEREMIAH 14:9

Bang ding ah bawl ding dan he talo mi gual leh, gâlhangsan mi panpi’na ding a, thagum sua thei talo gual a, um ziang la hi em? Hizianglehle, Lalpa, nang ka lak un la um ngâl a; chuleh, la min ah ko in ka um sek ngâl un, ei nusia kin!

JEREMIAH 35:14

Rekab chapa Jonadab in a suan leh pâkte him him in uain dawn lo ding ti thu a la piak chu a la mang tau ah; a pu bul uh thupiak chu a mat ziak un, tu’ni tiang hinle kuama uain dawn a um nai puau hi. Keima’n gunchu tak in la kiang un thu ka gen zing ah; maleh, ka thu la ngai puau in;

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

JEREMIAH 7:27

Ziaziakchun, zia thu zosia hi a kiang ua la vagen ding ahi; himaleh, la thu gen chu ngaitha pua’n au. Ko in la tin, himaleh, hun dawnhu pua’n au.

JEREMIAH 8:6

A la ngaitha’n, ngaisak malengle, thu dik gen a um puau hi; kuama a nunchan phalo uh haisan a um puau in, “Bang ka la bawl khial ah a hem?” a ti zing ui. Sakol gâl do-na mun ah lu bungbut ah a pan gual un, mi tin amau majawn chiat in a kihei tau hi.

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

DANIAL 3:29

Ziaziakchun, thupiak ka bawl tai: mitin, namtin leh pautin lak ah kipat Sadrak, Meshak leh Abednego Pathian gensia thugen taphot chu sât tel in um hen la, a In uh le suksiat ding ahi; zia gual ah hukdok thei pathian dang him him a um paw’ngal in,” ti’n a gen tai.

DANIAL 6:20

Danial umna sakeibaknei kul a hun nai phatin, lungngai tak in Danial a hun ko ah: “Aw Danial Pathian suakpa, ginum tak ah a na la sep, la Pathian chun sakeibaknei lak ah kipat in a hun hukdok na em?” a hun tia.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

NAHUM 1:4

Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

HABAKKUK 3:8

Aw Lalpa, luite chun a hun hi’thangtawm la hem? La sakol chung ah chuang ah, la sakol kângtalai gâl zo ding ah la chuan lai ah khan, luite chung ah lungna la hem, ahiloleh, tuisuagiat chung ah lungna la hi tam?

KISIMNA LEKHABU 11:23

Lalpa chun Mosi a hun dawnhu ah, Lalpa thilhitheina chun chintawk a nei em? La kiang ah ka thugen chu a guitun leh guitun lo tu’hin mu ding la hi tai, a tia.

MARKA 4:39

Ama chu a hung tho ah, thigua chu a vau a, Dil kiang ah chunle, “Thip inla um hiat hiat in,” a tia. Tichun, thigua chu a hâi ah, a thip dîl dêl tai.

JOHAN 1:11

Ama chu ama mite kiang in a hung ah, ama mite chun a la lop puau hi.

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

JOSHUA 3:16

saklamah kipat tui hung luang suk chu a chawl ta’n, saklam deu tak ah Zarethan kiang ah Adam khawpi kiang ah chun a bêm in a ding ta mai ah; chuleh, Arabah tuipi, Tuipi Thi lam ah luang suk chu a kangtan tai. Tichun, mipite chu Jeriko khua jawn ah chun a gâl kâi tau a.