ISAI 50:1 - PATHIAN LEKHABU THIANGTHO (BSI)

¹ Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 50:1 ပူးပေါင်းရင်းမြစ်များ

1 LENGTE 21:25

(Ahi ngei hi, Ahab gual ah a ji Jezebel in a nunmu, Lalpa mit mu ah thil phalo bawl ding ah kizuakdok hi kuama a um kha nai puai.

2 LENGTE 17:17

Tichun, a chapateu leh a chanuteu chu mei a hun palthensak ua, âisân leh zuau thu ah mi thêmhatte a kawm ua, Lalpa mit mu ah thil phalo tak bawl dingin, amau leh amau a kizuak thanghuai tau hi.

2 LENGTE 4:1

Tu’hin, jawlnei pawlkhat lak ah mi pakhat ji chu Elisha kiang in a hung kap ta’n, “La suak, ka pawsal a thi ta’n; la suak chu Lalpa a la kicha mi ahi ti la hia’i, himaleh, a leibatna pa a hung ah, ka chate pani chu suak dingin a hung kipui mang tai,” a tia.

NEHEMIAH 5:5

Ka taksau chu ka unauteu taksa gual tho ahi’n; ka chateu chule amau chate gual tho ahi ngâl un; ahiziak in, ka chapateu leh ka chanuteu chu suak hiding ah ka piak uh a ngai ta’n, ka chanuteu lak ah khenkhatte vang hi suak hiding ah zokdawsa ngen a hitau hi; ka louteu leh ka grep huanteu chu midang a chang zo tau in, bangma ka law thei diak ta puau hi,” a ti tau a.

ESTHER 7:4

Kei leh ka chipite hi sukmangthai ding, thalup sik sek ding leh sukmangthai suak ding ah khot zawsa ka hi ta’ngal un. Numei pawsal kidang lo ah suak hiding ah khot zaw hileng un vang, thipsan hiat hiat mai ding ka hi; himaleh, ka siatna ding ua Lengpa kiang ah ka mêlmapau chun jângna dawpna sêng lo ding ahi’n,” ti’n a hun gen tai.

SAM 44:12

La mite hi man tawmcha’n la zuakah, man bei gual in la khawng tai.

PAWTDAWNA THU 21:7

Mi pakhat in a chanu chu mi suak ding ah a zawk chun, zia suaknu chu suak pawsalte gual in pawt thei pua’n a.

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

ISAI 27:8

Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 43:27

La suantu bul pen in thil a la hi’khial ta’n, la paulettuteu inle thil a la bawl khial zo tau hi.

ISAI 46:8

Zia hi hezing unla, ngaitua un, nanghaw mi talêkte haw, zia chu gel zing un,

ISAI 52:3

Lalpa chun zia gual hin a la gen ta’ngâl a: Bangmalo mai mai ah zokdaw in la um un, a man bei ma ah tatdaw kit ding la hiu.

ISAI 54:6

Lalpa chun nutsia um ji thasia, tangval lai ji nol ah um, a kokit gual in ka hun ko la hi; la Pathian in a tii.

ISAI 54:7

Hun chomcha sung â ding bep in ka hun nusia in; maleh, lainatna lian tak in hun pui khawm kit ding ka hi.

ISAI 58:1

Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

JEREMIAH 3:8

ji gin umlo Israel chu zia gual ah chu a um ziakin, nolna lekha chu pia’n ka sawlmang tai, ti ji gin umlo Judah chunle muzing maleh, launa châng a he diak pua’n, nawchizuak in a chia nalai lai a.

JEREMIAH 4:18

La nunchan leh la thilbawl dungzui un, zia thilte hi la chung ua tung ahi; zia chu la siatnau ahi tai. A thok hak nalawm lawm e! La lungchang a sunthil hial ta hi,” ti in.

HOSEA 4:5

Sûn lai tak inle kipal pâi in la tiu in, jawlnei le nang tawh jan leh kipal pûk in lau, chuleh, la nu chu hi’mangthai ing ka.

THIAMPUTE LEKHABU 25:39

La suapi la kiang ah chêng a hung genthei ah, la kiang ah a hung kizok chun, suak gual ah la bawl lo ding ahi.

MATTHAI 18:25

piak ding a nei lo phatin a pu chun ama tawh, a ji tawh, a chate leh a nei zosia zuak ah dit dingin thu a pia ta’n;

DAN LEKHABU 32:30

Bangtidan ah mi khat in mi sang khat zo thei ah, mi pani’n a sîngtêl jam siatsak thei a hiu ah, a Suangpiu in a khotdawsa a hiu ah, a Lalpau in a nutsiasan a hilo ngâl leh?