ISAI 5:7 - PATHIAN LEKHABU THIANGTHO (BSI)

⁷ Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

ISAI 5:7 ပူးပေါင်းရင်းမြစ်များ

THILSIAM THU 4:10

Lalpa’n a kiang in, “Bang a hem la bawl kha? La naupa thisan aw chun lei ah kipat in ei hun ko hi.

2 SAMUEL 7:10

Chuleh, ka mipi Israelte â dingin mun pakhat guat piak ing ka tin, amau chu phudet ing ka tin; amau gam ngei ah chun thamuang tak in chênsak ding ka hi; ka mipi Israelte chung ah vaihawm dingte ka guat ni’ kipat in, migilote chun tu’ma lam gual khan sugenthei kit ta pua’n tin uh;

JOB LEKHABU 34:28

a navekna khop ding ah, chagate thum leh mau ah umsak ziak un, nuaisia ah umte kâ thawm chu la he ta’ngâl a.

SAM 147:11

ama laute chung in Lalpa a kipak in, a ngilneina det thangai mite chung ngei ah chun.

SAM 149:4

Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

SAM 80:15

la changlam khut ah a kungpi la phusa ahi ngal a.

PAWTDAWNA THU 3:7

Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

THUPILTE 21:13

Migentheite kâ thawm la kihiatlosak chun, nangma kâ le kuama’n ngaisak pua’n a.

THUGENTU 4:1

Chuleh, khawvel ah kinuaisiana zosia hi ka vak mu ta’n. En tiam in, nuaisia ah umte mitthi leh a thamuan ding neilo dan uh khi! A mau nuaisia tute chun thilhitheina a nei dan uh leh, amau thamuan ding a umlo dan teu hi ka ngaitua a.

SOLOMON LÂ 7:6

Aw, ka lawmnu, la mêlphatna chu, bang gual bep ah mu nop um leh, etlâ um ahi tam!

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

ISAI 1:6

Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

ISAI 27:2

Zia ni phat chuleh: Grep huan pha tak chung thu’n La hun sa ta’n au!

ISAI 3:14

Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 3:15

Migentheite la gawtnawi un, ka mipite la khet gawp uh chu, bang la ti’nau ahi em? Sepai honte Lalpa Pathian in a tii.

ISAI 3:17

Zion chanute puitu zosia chu, Lalpa‘n meimasia’n gawt intin, Lalpa‘n a zamawu hawkdaw piak in ah, ti in.

ISAI 30:12

Ziaziakchun, Israelte Mithiangtho in zia gual hin a gen hi: Zia thu hi la musit ah, nuaisiana leh thukhelna suang ah la muan zawk ziak un,

ISAI 46:12

Nanghaw mi lu’lul, hukdawna ding tawh kigamlatte haw, ka thugen hi a la ngai un:

ISAI 5:2

A lei a let ah, suangchang a zen thiang a, grep keksi pha pen a phut a; huan lailung in a vênbûk a sa’n, zia chun grep sûkna ding khûk le a cho a; grep ga tam tak lâk khawm a kinem a, maleh, grep lêm ngen a ga ta mai hi.

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 59:14

Vaihawmna dik chu le’bul in a um ta’n, diktatna chu gamla tak in a ding den tai; thutakna chu khawlai tualjang in, a kipal pâi ta’n; chuleh, thudikna chun mun a nei ta puai.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 24:2

Bawm khat ah chun theichang ga pha tak, a ga masa min gual ngen a um ah; ahi’n, bawm khat zawk ah chun theichang ga phalo tak, nêk tâk lo ngen a kikoi a.

JEREMIAH 50:46

Babulon pûkna husa chun khawvel kithing intin, a kâ thawm chu le namtin lak ah het hi’n a.

EZEKIEL 22:29

A gam ah mipite’n mi van neisa lâkpiak a chîng un, mi a suam ui; migenthei leh tasamte a tawden un, a ziak umlo in gamdang mite thil a lâkpiak sek ui.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

MIKAH 6:12

La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

HABAKKUK 1:3

Bang ziak ah nang in diklo tak ah kibawlna leh, lungkhamna hi lei musak a hem? Siatna leh kipawngbawlnate hi, ka ma’n a um zing in; kinakna leh kituaklonate a hung pawt tai.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

LUKA 18:7

Pathian chun, a mi têlte sun leh jan ah ama kiang ah thûm leh mau ah umte chu, phuba lâkpiak lo in jaidaw zing ding a hem?’ a tia.

JOHAN 15:2

Keima ah bâk ga lo tapo chu a sâttha sek hi. A bâk ga sua tapo chu, a ga tam zawk diakna dingin a hi’thiang sek hi.

DAN LEKHABU 15:9

“Kum sagi’na, kingaidamna kum a nai ta hen,” ti ziak ah la Invêng tasam kiang ah bangma penuam lo leh mudana lungthim sia leh diklo la nei lona ding un chingthei tau in; achutiloleh, Lalpa kiang ah kiko intiu in, nang in a mawpaw khan lau.

JAKOB 5:4

Ngai un! La lou uh tho ah sum thalawte thaman, dawha la tuktân piakteu chu a kikodok tau hi; bu âtte kiko chule sepai honte Lalpa nakhang in a lût tai.