ISAI 5:6 - PATHIAN LEKHABU THIANGTHO (BSI)

⁶ Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

ISAI 5:6 ပူးပေါင်းရင်းမြစ်များ

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 LENGTE 8:35

La chung ah a gitlo ziak ua van a kikhâk ah, gua a zuk lo phat leh, zia mun lam hi nga’ a pauchap ua, la min a suau ah, amau la gawt genthei ziak ah a gitlonau ah kipat a kihei kit phat ua leh,

JOB LEKHABU 31:40

gehu thasâng in hampa lingneite kek mai zawu hen la, barli thasâng in lobuangte kek zaw mai uh hen. Job thugen chu a tawp tai.

THUPILTE 24:31

ngaitia, ling leh khau in a dêp mang zo ta’n; a loulai pumpi’n hampa lingnei a kek dim ta’n, a suang dâi le a chim zo tai.

ISAI 24:12

Khawpi sung chu a hawm ah nutsia a hita’n, a kul kotkhakte chule suksiat sik sek ahi tai.

ISAI 30:23

Lei ah la thâichi tûte â dingin gua hun zuksak ta’n tin; chuleh, lei in ga a hun suadaw chu tam tak, tui tak takte ngen hung hita’n a. Zia ni phat chuleh, la ganchate hampa phatna gam lian leh kiningting tak ah chun ta hiat hiat ta’n au.

ISAI 32:10

Numei ngaisamte haw, kum khat zaw leh grep ga talo ah, theiga lâk khawmna a um tâk lo ding ziakin, beidong in kithing ding la hiu.

ISAI 49:19

La mun se’sau, giauchangte leh, la gam suktawp ah umte chu, matheilo in chêng dim kit in, neu talua hun sa hial ta’n lau; nanghaw hun chomgamte chu vang, gamla tak in jam ta’n au.

ISAI 55:13

Hampa lingnei ke’na mun ah chun, châkthingte hung kekdok ta’n tin; theimi lingbuk ke’na mun ah chunle, vaisuaklu hung kek ta’n a; zia chu Lalpa â ding ah kumtuang ah, tepte’na leh mêlchikna hung hita’n tin, kuama’n ziate chu vât tha ta pua’n au.

ISAI 7:19

Tichun, hung khawm intin uh, kênliang zosia, suangpi kawlhawm zosia, lingbuk zosia leh hampa hing mun zosia ah chun chêng ta’n au.

JEREMIAH 14:1

Khawkhâlna hung tung ding chungchâng ah Lalpa‘n Jeremiah kiang ah a thugen chu:

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 25:11

Zia gam pumpi hi segawp in hawm suak ta’n tin; chuleh, zia namte hin Babulon lengpa na chu kum sawmsagi sung sep piak ta’n au.

JEREMIAH 45:4

Ziaziakchun, a kiang ah zia gual hin gen in, “Zia gual hin Lalpa‘n a gen hi: Ka sak zawsa chu pheltha’ng ka tin, ka phusa chu botdok kit ing ka, zia chu gam pumpi hi ahi.

KÂ LATE 2:6

A bawkchateu chu pal chim gual in a hi’chim ah; a biakbûk uh le a suksiat piak tai; Zion ah chun Lalpa‘n kût leh, sabbath nite ahi’bei in, a hachang thakna’n lal leh, thiampute a tun khum tai.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

JOEL 1:7

Ka grep guite a susia’n, ka theipi kungte a eknêl in, a hawng a khe’dok hi; chuleh a bâkte heutha’n a paimang tau hi a bâkte a keugawp zo tai.

AMOS 4:7

Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,

THUPUAN 11:6

Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.