Tuisuagiat ah gamthip Babulon siatna ding chungchâng ah thusuak chu: Negeb lam ah chîmpei hung hâng gual in gamkeu ah kipat in, siatna tizat um tak in a hung hi.
Ngai tiam u, a lungnatna chule hachangthak tak in, meikuang sunkhum gual ah vauhil dingin, Lalpa chu meikuang ah hung intin, a sakol kângtalaite chule, thigawpi gual hi’n a.
En un! Sûmpi gual in a hung kuandok hi, a sakol kângtalaiteu chule chîmpei a bang hi; a sakolteu chule mupi sâng in, a chan-gang zaw’n, I chung uh a gik na e! Suksiat I hi ta’ngal un.
Sakol kengtaw git, kângtalai tai git leh, kângtalai keng kipei gite a het phat un, nu leh pate’nle a chateu ngaisak man talo in, a khutteu chu a zawitha zo tai.
Hun tawp ding phat leh, simlam chun ama hun do ta’n a. Himaleh, mallam chun a kângtalaite, a sakolte leh a longte mang in chîmpei gual in ama do dingin kuandok ta’n a. Gam tin zo in, tuisânglet gual in paltheng pek ta’n a.
Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.