ISAI 5:26 - PATHIAN LEKHABU THIANGTHO (BSI)

²⁶ Gamla tak ah nam khat kona tepte’na hun bawl intin, leimong langkhat lam ah mite ko’na saisilît hun mût in a; a kinthei pen in, kin tak in, a hung taikhawm ui!

ISAI 5:26 ပူးပေါင်းရင်းမြစ်များ

SAM 60:4

Nangma laute â dingin puanlap la pia hen, thalchang ah kipat a bittheina ding un.

SAM 72:8

Ama’n langkhat lam ah tuisuagiat ah kipat, langkhat lam tuisuagiat tiang leh, Luipi Lian ah kipat kawl kîmvêl tiang in vaihawm hen.

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 13:2

Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 13:3

Keima ngei hin ka mithiangthote thu ka pia’n, ka sepai hangsante ka ko khawm in, ka doichuam kisathei takte chu, ka lungnatna phuba la dingin ka guat ta ahi.

ISAI 13:4

Ngai un, mipi tam tak husa gual in tâng lam ah husa! Ngai un, lenggamte leh namtinte kipun khawmna husa chu! Sepai honte Lalpa‘n kido’na dingin sepai hon a pui khawm hi!

ISAI 13:5

Gamla tak tak, lei kil langkhat lam ah kipat hung kuan a hiu; Lalpa leh a lungnatna matchâkte chu, lei pumpi susia ding ah hung a hiu.

ISAI 18:3

Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 39:3

Ziaphatchun, jawlnei Isai chu Lengpa Hezekiah kiang in a hung a, a kiang in, “Zia mite hin bang a hung gen awm? Khoi ah kipat hung a hiu em?” ti’n a dong a. Hezekiah in, “Gamla tak, Babulon gam ah kipat ei hung vethâ hung a hiu,” ti’n a dawnhu a.

ISAI 7:18

Zia ni chuleh, Lalpa‘n Aigupta gam ah luinâkte ah thosi um zosia tawh, Aigupta gam ah khuai um zosia chu saisilît in hun ko khawm in a.

JEREMIAH 4:13

En un! Sûmpi gual in a hung kuandok hi, a sakol kângtalaiteu chule chîmpei a bang hi; a sakolteu chule mupi sâng in, a chan-gang zaw’n, I chung uh a gik na e! Suksiat I hi ta’ngal un.

JEREMIAH 5:15

Aw Israel, gamla tak ah namte chu, nangma do dingin hun pui ding ka hi, Lalpa‘n a tii. Nam sekdo tak, kumlui tak leh, a pau uh la het ngailoteu leh, a gen uh la hiatthei lo teu a hiu.

JEREMIAH 51:27

Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

KÂ LATE 4:19

Ei delzuite hi van ah mupi sâng in, a chan-gang zawu ah; tâng ah chun ei delzui un, gamthip ah ei la chângguu a.

EZEKIEL 38:17

Lalpa Pathian in zia gual hin a gen ah: Masang lai ah ka suak, Israel jawlneite’n a la gen uh, tu’nung leh amau hun do ding ah ka pui ding, a la titeu chu nang uh la hiu em?

JOEL 2:7

Gâlhat gual in a tai un, sepai gual in bâng in a kãl ui. A mazawn chiat un a chiau ah, a kitian dan uh a nusia puau hi.

HABAKKUK 1:8

A sakolteu chu gialbem sâng in a chan-gang zaw’n, thimbut ah ngei sâng in a lau um zawu hi; a sakol chungchuangteu chu, a hung kithejak ui. A sakol chungchuang miteu chu, gamla tak ah kipat hung a hiu in; mupi sa nêk ding baw gual in, kin-gang tak in a hung leng ui.

ZEKARIAH 10:8

Amau hun ko in, pui khawm ing ka; amau ka hukdawsa ahi ngâl un, tu’ma lam ah a tam lai gual un, tam tak hung hi kit ta’n au.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

DAN LEKHABU 28:49

Nangmau hun do ah, mupi’n a lâk gual ah hun ladok dingin, gamla tak, kawlkawdong lam pek ah mite, a pau uh la het ngai loteu Lalpa‘n hun sawl intin,