ISAI 5:25 - PATHIAN LEKHABU THIANGTHO (BSI)

²⁵ Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 5:25 ပူးပေါင်းရင်းမြစ်များ

1 LENGTE 14:11

Jeroboam mite khawpi ah thi chu uichate’n ne’n tin; gam ah thi chu chunglêng vachate’n ne’n au; Lalpa chun a gen ta ahi,’ ti’n a gen a.

1 LENGTE 16:4

Baasha mite khawpi sung ah thite chu uicha’n ne’n tin; chuleh, gamtalai ah thite chu chunglêng vachate’n ne ding a hiu,” ti in.

1 LENGTE 21:24

Ahab mite, khawpi sung ah thi zosia chu uichate’n ne’n tin uh; chuleh, ama mi, khawpi pawlam ah thi taphot chu chung ah leng vachate’n ne ding a hiu,” ti in.

2 LENGTE 13:3

Lalpa chu Israelte chung in a lungna ta’n, a vêl vêl in Aram ah Lengpa Hazael khutah leh, a chapa Ben-hadad khut in, a pelut tai.

2 LENGTE 9:37

Jezebel luang chu Jezreel gam sung, loulai ah ek denchek tawhbang hung hi’ntin, tichun, kuamacha’n, zia hi Jezebel ahi ti hethei pua’n au,’ a la ti kha ahi,” a tia.

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

JOB LEKHABU 9:13

Pathian in a lungnatna chu, a mawk lak kit ziang sek pua’n, Rahab panpitute chu, a mai in a kûn suk tai.

SAM 106:40

Tichun, Lalpa chu a mite chung in a lungawi ta pua’n; a gochante chu a kidak ta’n;

SAM 114:7

Aw leilung, Lalpa âng ah, Jakob Pathian âng ah chun kithing ta’n;

SAM 18:7

Ziaphatchun, lei hi a kilîng in a kihot dup dup tai; a lungnat ziakin tângte chule, a kingakna pum in a kilok in, a puakjak tai.

SAM 68:8

lei hi a kithing dul dul in, vante khin le Pathian ma’n, Sinai Pathian leh, Israelte Pathian ma ah chun gua a zuksak hi.

SAM 77:18

Chîmpei in la vanpi a git sak ah; kawlphete chun khawvel a salvâk zot zot un; lei chu kithing in, a kilîng dup dup hi.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 83:10

amau chu Endor khua’n a mangthai un, lei â ding ah êknîn gual bep a hitau hi.

PAWTDAWNA THU 7:19

Lalpa chun, Mosi kiang in, “Aron kiang in, la tiang kha la’n la, Aigupta gam sung ah tuite, luite, tuilamte, tuikhukte leh dil zosia chung ah la khut jakdok in; tui zosia chu thisan a hung suak theina dingin: Tichun, Aigupta gam zosia ah chun thing kuangkûmte leh suang bêlte zosia sung ah thisan um ding ahi ngal in, ti’n gen in,” a tia.

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 10:6

Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 14:19

maleh, nang vang la thân ah kipat, gamla tak ah pai mang la hi’n; thilmuat ki’dak um tak gual in, chemjam ah satlupte luang tawh, puan ah tuam khawm ah um in, Mithi khua tuanglai chan ah lut in, mithiluang kitawden gual bep la hi tai.

ISAI 23:11

Lalpa‘n tuisuagiat chung in a khut a lâm in, lenggamte chu a kilîng tai; Kanaante kulpite chu hisiatpiak dingin thu a pia tai.

ISAI 25:11

Tuizap te’n a khutbân uh a jak gual un, a lak un a khutbân uh jak jak maleu, a theitawp uh sua a bat nung unle, a kisaktheinau chu tawden tho tho ding ahi.

ISAI 29:2

Ahi’n la, Ariel chu hi’lungdong ing ka tin, lusûnna leh kâna hung um in a; kei â dingin Jerusalem chu, Ariel gual hung hita’n a.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 51:20

La chate a basam zo tau ah, sazukchal lênthâng ah awk thachau gual in, khawlai kotzing tin ah a kitâl tek tuk tau hi; Lalpa lungnatna huitung tak tuak in, la Pathian vauna awsia pua a hiu.

ISAI 64:3

Ka ginchâk lo gual tak uh thil thupi tak, bawl ding ah la hung suk phat leh, la ma-âng in mualte a kithing sek ui.

ISAI 66:15

Ngai tiam u, a lungnatna chule hachangthak tak in, meikuang sunkhum gual ah vauhil dingin, Lalpa chu meikuang ah hung intin, a sakol kângtalaite chule, thigawpi gual hi’n a.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

ISAI 9:11

Tichun, a mêlmateu Rezin chu, amau do dingin tungding intin, a mêlmateu chu choktho in a;

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

ISAI 9:20

Changlam kâi ah huaihap tak in ne maleu, a kial tho tho un; chuleh, veilam kâi in val zo maleu, a vâ diak puau hi, ti in. Amau chate sa nasan a ne tau hi!

ISAI 9:21

Manasseh in Ephraim a ne’n, Ephraim in Manasseh a ne’n; a paniu in Judah a do ui. Zia gual ah a bawl zaw nung chunle, a lungnatna a dai diak puai; a khut chu a lâm zing ngal a.

JEREMIAH 15:3

Chuleh, amau susia dingin thil pali a chung un guat ding ka hi, Lalpa‘n a tii. A that dingin chemjam, a kai mang dingin uichate; chuleh, amau that ah ne zo dingin chunglêng vachate tawh lei ah gam sahângte haw hi.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 17:4

La gochan ding ah ka hun piaksate zosia khale, nangmau gitlona ziakin mansua in la tiu in; tichun, la het ngai lo gam ah chun la gâlteu nasêm in hung pang ta’n lau; ka lungnatna mei, kumtuang ah hun kâng zing ding chu sêm kuang ahi ta’ngâl a.

JEREMIAH 4:24

Tângte ka vak et leh, ngai tia, a kithing un; mualte zosia le a kilok lumlet zo tau hi.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JEREMIAH 6:12

A Inteu chu midang chang ta’n tiu in, a louteu leh a jiteu le midang chang ta’n au; zia gam ah chêng zosiate chung ah hin, ka khut hun tha ding ka hi’ngâl a, Lalpa‘n a tii.

JEREMIAH 8:2

nisa, thapi leh van lam ah um zosia a thangai un, a thuu zui in, a nau a sep piak un; a dot leh a biakteu ma-âng ah chun thejak in um intiu in, luak khawm kit leh vui hita pua’n au; lei tual ah ki’dak buaksia gual mai in um ta’n au.

JEREMIAH 9:22

Lalpa‘n zia gual hin a gen hi ti’n gen in: Gamtalai ah ki’dak gual in mithi luangte kital tek tuk intin, bu âtte nung ah buvui kisia gual in, kuama lak khawm lo in kisia tek tuk in au.

KÂ LATE 5:22

Lei paithâk ziang lo ah, gen theilo khop ah la lung tuak lo, ka hi’lo ngal ua leh,

EZEKIEL 15:6

Ziaziakchun, Lalpa Pathian in zia gual hin a gen hi: Gammâng thing zosia lak ah grep gui, meikuang ah ka ti gual in, Jerusalem ah chêng zosia chule nungngat ding ka hi.

EZEKIEL 30:25

Babulon Lengpa khutbânte chu suhât ing ka tin; himaleh, Aigupta Lengpa khutbânte chu guallel ta’n a. Babulon Lengpa khut ah ka chemjam ka koi phat leh, Keima Lalpa ka hi ti he ta’n au. A chemjam chu Aigupta do-na’n lâm intin,

EZEKIEL 6:14

A chung un ka khut lek ing ka tin, gam chu susia’ng ka tin, a chênnau gam zosia gamthip ah kipat Riblah tiang in susia’ng ka. Ziaphat chuleh, kei hi Lalpa ka hi ti hun he ta’n au.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

AMOS 8:8

Zia thil ziak ah chun gam hi kithing lo ah, a sung ah chêng zosia’n a sûn lo ah, a leng ua Nail luipi gual ah khang ah, Aigupta gam ah Nail luipi gual ah kinawk vêl ah, kiam lo ah um thei ding a hem?

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

NAHUM 1:5

A ma-âng in tângte a kithing un, mualte a tuitha zo tau hi; a âng in leilung leh a sung ah um zosia a kithing setau hi.

HABAKKUK 3:10

Tâng liante’n a hun muu in a kithing tau a; tuikhangliante’n a hawt vêl un, tui thûk takte’n a awu a suau hi. Nisa’n a bân sâng tak in a jak hi;

ZEPHANIAH 1:17

Mitthum gual ah a vâk tua’na ding un, zia gual buaina chu a chung un tunsak ing ka tin; Lalpa chung ah thil a la hi’khial tâk ziak un, a thisan uh leivui gual ah butthâk ah um in, a sateu chule bawng êk gual ah the’jak in hung um ding ahi.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

DAN LEKHABU 31:18

Zia ni phat chuleh, pathian dangte lam ah ei kiheisan ziak leh, a thil phalo bawl zosiau ziakin kilepsan ngei ngei ding ka hi.

1 THESSALONITE 2:16

amau chun, Jentelte kiang ah hukhin a hitheina ding ua thu gen ei khâm ui. Tichun, a gitlo te’nau a hi’dim zing un; himaleh, Pathian lungnatna chu a chung un a hung tung tai.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.