ISAI 5:24 - PATHIAN LEKHABU THIANGTHO (BSI)

²⁴ Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 5:24 ပူးပေါင်းရင်းမြစ်များ

2 LENGTE 19:22

La demsiat ah, a êng êng ah la ho kha kua a hem? Kua dodâlna la aw khati sân sak la hia, Israel Mithiangtho dodâlna ah la bawl ahi kha lam.

NEHEMIAH 9:26

Chutisapi’nle, thu a mang puau ah, a hun do nalai lai un; la dan thute chu nungngat in, nang lam ah a kihei kitna ding ua thumop la jawlneiteu chu a la that un, nasa tak in la min a gensia tau hi.

JOB LEKHABU 18:16

Nuai lam ah a zungteu chu keu intin, chung lam ah a bâk jamte chule, vuaitha ta’n a.

JOB LEKHABU 8:17

Suang kisep lom chu a zung un a zem chak un, suangpi kawm kâl te’n a jam sek ui.

SAM 50:17

Thununna la hua hen, ka thute hi la ngai paw’ngal in.

PAWTDAWNA THU 15:7

La hatna lopi tak ah chun, nangma do-te haw chu, la paitha sik sek tai. La lungnatna chu la sawldok ah, zia chun amau haw chu bupawl gual in, la hâltum tai.

PAWTDAWNA THU 5:12

Tichun, mipite chu Aigupta gam zosia ah chun bupawl ah mat ding, bu kungsum hawl khawm in a kithejak tau a.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 24:6

Ziaziakchun, hânsia chun lei a val zo ta’n, a sung ah chêngte’n a mawna ziak un a thuak tau hi; tichun, lei chung ah chêngte a kiam un, mi tawmcha bep nutsia a hitau hi.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 30:12

Ziaziakchun, Israelte Mithiangtho in zia gual hin a gen hi: Zia thu hi la musit ah, nuaisiana leh thukhelna suang ah la muan zawk ziak un,

ISAI 30:9

Amau chu mithukhel, chapa lepchia, Lalpa hilna thu ngai nuamlote ahi ngal un.

ISAI 47:14

En in, amau bupawl gual bep a hiu, mei in a kâng tum ngâl hi. Mei thilhitheina lak ah kipat in, a kihukdok thei puau hi. Kihailumna ding meiâm um ta pua’n tin, mei awi dingle um ta pua’n a.

ISAI 7:9

Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

ISAI 8:6

Zia mite hin Shiloah mun ah luicha tui, nem hiau cha luang a doi lo ziak leh, Lengpa Rezin leh Remaliah chapa Pekah lau ah a kithin ziak un;

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

JEREMIAH 8:9

Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

EZEKIEL 15:6

Ziaziakchun, Lalpa Pathian in zia gual hin a gen hi: Gammâng thing zosia lak ah grep gui, meikuang ah ka ti gual in, Jerusalem ah chêng zosia chule nungngat ding ka hi.

HOSEA 11:9

Ka lungnatna huaisia tak chu mualsua pua’ng ka tin; Ephraim susia kit pua’ng ka; mihing hilo in Pathian nangmau lak ah, Thiangthopa chu ka hi’ngal a. Chuleh, lungna kawm inle hung lo ding ka hi.

HOSEA 5:12

Ziaziakchun, Ephraim â dingin nget tawhbang ka hi’n, Judah Inkuante â dingin muatna ka hi.

HOSEA 9:16

Ephraim chu jep in a um ta’n, a zung a keu tai, ga sua kit ta pua’n au. Nau hun hing maleu, a sul ah nau a doi um tak chu that tho tho ing ka.

JOEL 2:5

Kido’na kângtalai gual ah tai in, hampa kâng ah mei a kua’n puat puat gual leh, kido’na pang ding ah kisa galdo mihat tak gual in, mualvûm in a chawm kâi ui.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

AMOS 2:9

Chutisapi’nle, a âng ua kipat, sidar thing gual ah sâng leh, gangpi thing gual ah detdote Amorte chu ka susia ta’n; chung lam ah a ga leh nuai lam ah a zungte ka hisiat piak hi.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

LUKA 3:17

A khut in phajâp a chawi ah; a phual ah a si jap thiang intin, bupang ah sungkhawm in ah; a si’te chu vang mei mit theilo ah chun hâltum in a,” a tia.

LUKA 7:30

Himaleh, Pharisaite leh dan he mite chun, ama baptisma chansak ding chu a nop lo ziak un, amau â ding ah Pathian lemguat chu a dawi puau hi.)

JOHAN 12:48

Kuale, keima ei doi lo ah, ka thu mang nuam lo chun, a chung thu tan piak ding pakhat a nei hi: a kiang ah ka thugente hin, nitawp ni tak leh amau chung thu hun tan piak ding ahi.

NASEPTE 13:41

“Mi musitte haw, ngai un! Mak sau inla, mangthai tau in; nangmau hun sung ngei in thil pakhat ka bawl in, zia thil chu la kiang un min hun gen leule, gingcha thei pua’n lau,” ti thu kha, a tia.

DAN LEKHABU 28:24

Lalpa‘n la gam ua chun gua thasâng in leivui zuksak intin, suksiat dik dek ah la um masangsiau leivui chu gua in zuksak ta’n a.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.

1 SAMUEL 15:23

Helna hi âisânna sual sâng in a nêp zaw pua’n, lochalna hi bawlsualna leh, milim ho’na tawh kibang ahi. Lalpa thu la pâm pai ziakin, ama’nle la leng hi’na kipat, a hun paitha tai tin,” a gen hi.

1 SAMUEL 15:26

Samuel in Saul kiang ah chun, “Nang in Lalpa thugen la limsak lo ziak ah, Israelte chung ah leng ah la panna Lalpa‘n a hun paithâk tâk ziakin, Lalpa kiang lam ah hungpi kit talo ding ka hi,” ti’n a gen a.