ISAI 5:23 - PATHIAN LEKHABU THIANGTHO (BSI)

²³ a thiamlote golgûkna ziak ah thiam chansak ah, bawlkhial neilote a diknau lâkpiakte haw, la chung uh a gik hi!

ISAI 5:23 ပူးပေါင်းရင်းမြစ်များ

1 LENGTE 21:13

Mi lepchia pani chu a hung ua, a âng zawn in a kichuu ah; chuleh, mipite âng ah chun mi lepchiate chun ama mawsak in thu a hun gen tau a: “Naboth in Pathian leh Lengpa gensia ahi,” a tiu a. Tichun, ama chu khawpi pawlam in a puidok ua, suang in a seplum tau hi.

2 KHANGTHU 19:7

Tu’hin, Lalpa chu lau zing un; Lalpa I Pathian un doichuam a nei pua’n, golgûkna le la lo ahi ziakin, dik tak in thu tan sek unla, la mawpuaknau hi ngaikhawk ma mau in,” ti’n a hil a.

SAM 94:21

Midik hinna lâk gua’n a pung khawm un, mawna bei chu thi dingin thiamlo a chansak ui.

THUPILTE 17:15

A gilo zaw thiam chansak leh, a dikzaw thiamlo chansak chu, a paniu in Lalpa ki’dak lam tak ahi gêl ui.

THUPILTE 17:23

Mi nunsia chun vaihawmna dik pêtsanna dingin, golgûkna a la sek hi.

THUPILTE 24:24

A diklo zaw kiang ah, “La dik hi,” ti pa chun, mipi sapsiatna law intin, namtinte huat in um in au;

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 10:1

A hei, nanghaw, diklo tak ah thutanna bawl ah, mi tawdenna ding ah dan thu zik ah pang a;

ISAI 10:2

mi tasamte diklo tak ah vaihawm piak ah, ka mipite lak ah migentheite, a diknau lâkmang piakte, meithâite galmat gual ah man a, nauchagate suamgamte haw, la chung uh a gik hi!

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

ISAI 29:21

a kam ah thu ah mi tawh kihêkna ah, a dik zaw zawn sakte, kul kotkhak bul ah vaihawmte awkna ding siamte leh, mi thudik ah pangte dikna ah vaihawm piaklote chu, sukmang ah hung um ding a hiu.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

ISAI 59:15

Thutakna chu a lawsam ta’n, gitlo’na kipat kiheimang taphot chu, khut thuak ding ah kipia gual a hiu. Lalpa chun a la mu ta’n, vaihawmna dik a um tâk lo ziakin, a lung a dam ta puai.

AMOS 5:12

La bawsiatnau a tam dan, la gitlonau a nasat dante, mi diktatte la sugenthei un, golgûkna la lau ah, vaihawmna kotkhak bul in mi tasamte la sawndok ui, ti ka he ngal a.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

MATTHAI 23:35

tichun, midik Abel thisan ah kipat Barakia chapa Zekhariah, mâichâm leh mun thiangtho kikâl ah la thau thisan la sua zosiau kha, nangmau chung ah hung chu ding ahi.

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

JAKOB 5:6

Midik chu thiamlo chansak in, la that un; ama’n la a hun do pua’n.