ISAI 5:20 - PATHIAN LEKHABU THIANGTHO (BSI)

²⁰ Thil phalo phasa’, a pha phalo sate, a vakna ding thimsak ah, a thimna ding vaksak sek ah; a thum ding khâtsak ah, a kha ding thumsakte haw, la chung uh a gik hi!

ISAI 5:20 ပူးပေါင်းရင်းမြစ်များ

JOB LEKHABU 17:12

Jan chu sun a chansak un, amau chun, “Vakna chun thimna a nai hi,” a tiu hi.

PAWTDAWNA THU 23:7

Hekna diklo lak ah kipat in kikoikiang inla, mawna neilote leh midikte chu that kin: mi diklote phuba chu la ding ka hi’ngal a.

THUPILTE 17:15

A gilo zaw thiam chansak leh, a dikzaw thiamlo chansak chu, a paniu in Lalpa ki’dak lam tak ahi gêl ui.

THUPILTE 4:17

Nunsiatna an ne’n, thagum sua’na uain a dawn sek ngal un.

ISAI 24:9

La sa kawm in uain a dawn ta puau a; zukha le a dawnte â dingin a kha tai.

ISAI 29:21

a kam ah thu ah mi tawh kihêkna ah, a dik zaw zawn sakte, kul kotkhak bul ah vaihawmte awkna ding siamte leh, mi thudik ah pangte dikna ah vaihawm piaklote chu, sukmang ah hung um ding a hiu.

ISAI 30:10

Zia mite chun, thil mulawk theite kiang in: “Bangma mu ta kin,” a tiu a; jawlneite kiang in, “Ka kiang un thudik bangma gen ta kiu in; thu ngainop um cha cha gen unla, ngaituana vantang mai mai gen un;

ISAI 32:5

Mingol chu ngaisân um kiti ta pua’n tin, michavai chule mi ja-um kiti diak ta pua’n a.

EZEKIEL 13:19

Ka mipite lak ah barli bu khutdim khat leh an kam khat ah ei zuak thanghuai ah, zuau ah ka mipite la them zo un, a hing dingte that ah, a thidingte la hawi ui.

AMOS 5:7

Katei, vaihawmna dik gamsai suaksak a, diktatna lei tual ah paithate haw!

MIKAH 3:2

Thilpha doi lo in, thil phalo la dawi un, ka mite vun lip te haw, a guteu ah kipat in a pheu la âtthau in;

HABAKKUK 1:4

Tichun, dan chu a tânjau in, vaihawmna dik a um puai. Migilo in mi diktatte a ûm vêl un, ziaziakchun, thudik chu bangmalo a suak tai.

MALAKI 2:17

La kam suakteu chun Lalpa la suthachawl tau a. Nang unla, “Bangti’n em ka hun sukthachawl uh?” la ti nalai un. Nang un, “Thil phalo bawl tapo chu Lalpa mit mu ah pha a hiu ah, a chung un a kipak hi,” la tiu leh, “Dikna Pathian chu khoi ah um ahi tam?” la tiu hin, la suthachawl uh ahi ngal a.

MALAKI 3:15

Tu’hin, mi kiletsakte chu mi nuamsa I tiu ah; thil phalo bawlte chu a vangphat mai uh le hilo in, Pathian a patep lai unle a suakcha nalai un,” I tiu a.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

DAN LEKHABU 25:1

Mi pani thubuai nei ah a kinak phat ua leh, vaihawmna Inpi ah chia intiu in; tichun, vaihawmte chun pakhat chu thiam chansak intiu in, a khat zaw chu thiamlo a chansak ding uh ahi.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.