ISAI 5:2 - PATHIAN LEKHABU THIANGTHO (BSI)

² A lei a let ah, suangchang a zen thiang a, grep keksi pha pen a phut a; huan lailung in a vênbûk a sa’n, zia chun grep sûkna ding khûk le a cho a; grep ga tam tak lâk khawm a kinem a, maleh, grep lêm ngen a ga ta mai hi.

ISAI 5:2 ပူးပေါင်းရင်းမြစ်များ

2 SAMUEL 7:10

Chuleh, ka mipi Israelte â dingin mun pakhat guat piak ing ka tin, amau chu phudet ing ka tin; amau gam ngei ah chun thamuang tak in chênsak ding ka hi; ka mipi Israelte chung ah vaihawm dingte ka guat ni’ kipat in, migilote chun tu’ma lam gual khan sugenthei kit ta pua’n tin uh;

NEHEMIAH 13:15

Zia lai ah chun, Judate gam ah kuate a hiu em sabbath ni’ uain chil leh buphalte sabiltung puak ding ah hun siamte ka mu’n; chuleh, sabbath ni Jerusalem khua zu, grep, theichangga leh van-gik hun pawlutte le a um un; chuleh, amau chu zia hun ah chu nêkthei chi him him zuak lo dingin ka vauhil a.

SAM 80:8

Aigupta gam ah kipat in grepgui la hun ladok in; nam dangte deldok in, amau chu la phu ta’n.

SAM 80:9

Amau â dingin mun la siam piak ah, thûk tak ah zung kai in, gam pumpi chu a lua dim tau hi.

PAWTDAWNA THU 33:16

Keima leh ka mipite hin lei kitonpi lo ngal leh, la mittung ah um ka hiu ti bangti’n hethei ding ka hiu em? Lei chung zosia ah mihingte leh la mipite hin kikhiakna ka nei sun uh chu, nangma ka kiang ua la hung kilâk sek ziak bep hi hilo a hem?” a ti’n.

ISAI 1:8

Zion chanu chu grep huan ah bûk lui gual leh, changmai lei honna dailîm gual leh, khawpi mi sal ah mat gam gual ah nutsia in a um tai.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

JEREMIAH 11:17

Sepai honte Lalpa, nangma hun tungdingpa chun, la chung ah siatna tung ding chu a tâklang tai; Israelte leh Judate’n Baal kiang ah kithoina thilpiak pia’n, thil a la bawl khial tak ziak un ka lungnatna a choktho tau hi.

JEREMIAH 2:21

Grep kichijiat thiang tak, doichuam tak ah ka hun phû hilo la hem? bangtidan ah grep tak lo leh, grep lêm hung suak ziang la hem?

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

MIKAH 4:8

Aw nang, gan-gual chinna Insâng, Zion chanu mualvum ngei chu, la kiang hung tung intin, lenggam masa kha hung tung in a, Jerusalem chanu lalna ngai kha hung tung in a.

KISIMNA LEKHABU 23:9

Tângvûm ah kipat in ama chu ka mu ta’n; tânggam ah kipat in ka he tai; kuama khoithei lo ding mipi a hiu ah, amau ngen ah chêng, nam dang gual a hilo dân uh kihechiante a hiu!

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.

MATTHAI 21:33

Tekhinthu dang pakhat a la ngai un: Mi kua a hem gamneipa pakhat a um ah; grep huan a bawl a, pal in pha tak in a ûm a, a grep sûkna khuk dingle a cho ah, a honna ding tau le a daw a; chun, lou enkolte kiang in a lousân lâk dingin a pedok ah, gam gamla tak in a zin daw san tai.

MATTHAI 21:34

A ga law hun ding ah chun a lousân la dingin a suakte chu a lou bawlte kiang in a sawl a.

MARKA 11:13

Theichang kung a dua bawk pha tak nei pakhat a vak gâl mu ah; a ga ka mu khâk leh ti’n a vazuan ah, a vatun phatin a dua bep lo ngal bangma a mu ta pua’n, theichang ga hunle chu a hinai paw him a.

MARKA 12:1

Ziaphatchun, a kiang un tekhinthu mang in thu a gen pan a: Mi pakhat in grep huan a bawl a; dâi pha tak in a bawl ah, a sûkna khûk dingle pha tak in a siam ah, a vênna ding Insâng le a sa’n; tichun, lou bawlte kiang in a sân in a pedok a, gam gamla takin a zin mang tai.

MARKA 12:2

A ga law hun ahi’phatin a sân la dingin lou bawlte kiang in a suak pakhat a sawl a.

ROMTE 9:4

Israel mite, cha hi’na changte, lopina changte, thuthung leh Dan thupiakte leh, Pathian nasepnate leh thutiam zosia a la changte a hiu a;

1 KORINTH 9:7

Kua’n ama kivâk in gâl a kap ngai em? Kua’n a ga nelo in grep huan a bawl ngai em? Ahiloleh, kua’n gan nawitui nelo in gan-gual a ching ngai em?

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

VAIHAWMTE 16:4

Zia nung ah chun, Sorek phâijang ah numei khat a dawicha kit ta’n, a min chu Delilah ahi.