ISAI 5:19 - PATHIAN LEKHABU THIANGTHO (BSI)

¹⁹ “Hung kinaw hen la, a bawl ding chu hun bawl kin hen la, vak kimu ngal leh aw! Israel Mithiangtho chu I hettheina ding un, a thil guanggal chu hun bawl zo kin leh,” tite haw, la chung uh a gik hi!

ISAI 5:19 ပူးပေါင်းရင်းမြစ်များ

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

JEREMIAH 17:15

En tiam in, ei hosiat dan uh hi: “Lalpa thu chu khoi ah um a hita em? Hung guitung ziang leh hiding a!” a tiu a.

JEREMIAH 23:18

A thugen muchian ding leh, hechian thei ding khop ah, kua a hem Lalpa vaihawmna vapang sek? Kua a hem a thu puangjak ding ah, a thugen ngaisak chu?

JEREMIAH 23:36

Himaleh, “Lalpa puaknat chu,” ti hivang la gen puak tâk lo ding uh ahi; puaknat chu mi tinte kamsuak haw zosia hi a hiziak in; tichun, Pathian hing, sepai honte Lalpa, I Pathian uh kamsuakte chu la kaikawi zo ta’ngal un.

JEREMIAH 36:23

Jehudi in gual thum a hem, gual li a hem vêl bep a sim zaw phat in, lengpa’n chemcha’n a ât tel ah, a âng ah meikuang lak ah chun a sep lut ah, zia lekhabu zial chu a leng in a hâl tum tai.

EZEKIEL 12:22

Mihing, Israelte gam chungchâng ah la thuching gen uh, “A nite a sawt deu deu leh thil kimulawkte le a thawn a suak tai,” la tiu hi bang genna a hem? a tia.

EZEKIEL 12:27

Mihing, Israel Inkuante’n zia gual hin a gen ui: “A thil mu lawkte chule kum tam tak nung lam ah tung ding thu ahi’n; gamla tak ah tung ding thute a gen lawk ahi,” a tiu hi.

HOSEA 10:3

Tu’hin amau in, “Lalpa I lau lo ziak un leng nei lo I hiu, lengpa chun bang ei bawl piak thei ding a hem?” ti’n au.

MALAKI 2:17

La kam suakteu chun Lalpa la suthachawl tau a. Nang unla, “Bangti’n em ka hun sukthachawl uh?” la ti nalai un. Nang un, “Thil phalo bawl tapo chu Lalpa mit mu ah pha a hiu ah, a chung un a kipak hi,” la tiu leh, “Dikna Pathian chu khoi ah um ahi tam?” la tiu hin, la suthachawl uh ahi ngal a.