ISAI 5:17 - PATHIAN LEKHABU THIANGTHO (BSI)

¹⁷ Ziaphat chuleh, belemnote’n amau gam hing, kinêk gual in ne ta’n tin uh; gam sesa ah chun belam tuaidawng leh, a note chun an vâ tak in ne ta’n au.

ISAI 5:17 ပူးပေါင်းရင်းမြစ်များ

NEHEMIAH 9:37

A gam ga pha zosia chu, ka gitlo ziak ua ka chung ua leng hiding ah la guatte chun a kinêk un; amau chun ka taksau leh ka gan-gualteu chung ah a nop a ning ua bawltheina thahâtna a nei un, ka lung uh a kham ma ma tai, ti’n a pauchap tau a.

SAM 119:70

Amau chun hiatthiamna him him a nei puau a; kei vang la dan ah hin ka kipak hi.

SAM 17:10

A lungthim un lainatna a nei puau; a kam un kihisak tak in thu a gen sek ui.

SAM 17:14

aw Lalpa, la khut in mihingte lak ah kipat ei hukhing in, amau dam sung chanvo chu, zia khawvel ah bep hin a um ngal a. Amau â ding ah la kholpiakte zosia’n, a gilpiu hidim inla, a chateu in a mamaw sâng ua tam zaw nei uh hen la; a chasenteu â ding tiang in, bang a hem khat bêk thi’san uh hen.

SAM 73:7

Thauna ziakin a mit uh a pawng ah, thilphalo gêlna’n a lungthim uh a dimlêt hi.

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

ISAI 17:2

A khawpiteu chule kumkhua nutsia hung hita’n au; gan honte tatna mun hung hi’ntin, kuama a naw lau ding umlo ah, thamuang tak ah a kualna mun uh hung hita’n a.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 65:10

Ka mipi, keima ei hawlte ziakin, Sharon chu belam hon tatna gam hung hi’ntin, Akhor Guam chu bawng hon giakna hung hita’n a.

ISAI 7:25

chuleh, tâng gam tudâl ah a kãl seknau munte kha, hampa lingnei leh khauguite huphulna ziakin, lou ah bawl lo hung suak ta’n tin; bawng hon leh belam hon thâjanna mun hung hizaw ta’n a.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

KÂ LATE 5:2

Go ah ka luateu la, nam dangte kiang ah piak daw a hitau in, ka Inteu le gam dang mite piak a hitau.

HOSEA 4:16

Bawnglâ lochal gual in Israel chu a lu’lul hi; Hampa hing tamna mun ah belam pakhat um gual in, Lalpa‘n amau chu tu’hin a vâk theina diam?

HOSEA 8:7

Hui a tû ziak un chîmpei ât ding a hiu. Buvui in ga a sua pua’n, nêk ding piang pua’n a; ga sua ta mawng leh le, gam dang mite’n ne zo in au.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

ZEPHANIAH 2:14

Zia tak ah chun bawng hon leh, gamsa chitinte kual ta’n au; gamthip simbupi leh simbuchânglit, a sûtpite ah chun chêng intiu in; a tukvan ah te chun simbu hâm intin, a In mai tual ah chun va-âk tâ ta hen; sidar thing ah In kisate chu a siat gam tâk ziakin.

ZEPHANIAH 2:6

Nangma, tuisuagiat pâm chu gancha tatna mun, belampute belam chinna mun leh, gan-gualte huang hung hita’n la.

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

DAN LEKHABU 28:33

La het ngailoteu in la lei gateu leh la sepgimnau gate chu ne ta’n tiu in; kihelna leh chotden in hun mang ta’n au;

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.