ISAI 5:16 - PATHIAN LEKHABU THIANGTHO (BSI)

¹⁶ Himaleh, sepai honte Lalpa chu, vaihawmna dik ah chun choisa’n in a um in, Pathian Thiangtho chun, a thiantho dan dikna’n a tâklang sek hi.

ISAI 5:16 ပူးပေါင်းရင်းမြစ်များ

1 KHANGTHU 29:11

Aw Lalpa, letna leh thilhitheina, lopi’na, zaw’na leh lalna zosia chu nang â ahi; van ah thil um zosia leh lei ah thil um zosia hile nang â a hiu; aw Lalpa, leng gam zosia nang â a hiu ah, thil zosia chung ah sâng pen ah choisa’n la hi.

SAM 21:13

Aw Lalpa, la hatna ziakin choisa’n in um ta’n! La thilhitheina pâk in La sâng kau.

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:17

Mihing kingaisânna chu hi’niam hi’ntin, mi tin kisaktheina chu hi’tawm in um in a; ziaphat chuleh, Lalpa bep chu, choisân in um ta’n a.

ISAI 2:9

Tichun, mipite chu kainiam a hitau in, mi tin chu kai thâk in um ta maleu, Lalpa, amau chu ngaidam kin!

ISAI 28:17

Vaihawmna dik chu a khauzang in mang ing ka tin, dikna chu a suangkhai in mang ding ka hi; zuautheina kisêlte chu gial in tokmang intin, a kisêlna dailîm uh chu tuisânglêt in chûm mang in ah’ ” ti’n a gen a.

ISAI 29:23

A lak ua ka khutsuak a chateu chu a mu phât uh leh, ka min hi’thiangtho ta’n tiu in, Jakob Mithiangtho chu hi’thiangtho ta’n tin uh, Israel Pathian chu lau ta’n au.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 33:10

Lalpa chun, “Tu’hin kipan ing ka tin, tu’hin kichawisâng ta’ng ka tin, tu’hin choisa’n in hung um ta’ng ka.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

ISAI 61:8

Keima Lalpa hin vaihawmna dik ka ngaina ngal ah, a gûk ah kilâk piak leh, vaihawmna diklo chu ka huat lam tak ahi; a sep dan uh tawh kiphu tawk tak in, thuk ing ka tin, amau tawh ka kikâl un, kumtuang thuthung siam ding ka hi.

ISAI 8:13

Himaleh, a thiangtho chu sepai honte Lalpa chu ahi’n; ama bep chu la kichâk ah la tizat ding ahi.

EZEKIEL 20:41

La kithejaknau ah kipat ka hun pui khawm kit phat leh, gimtui gual in hun pom ta’ng ka; namtin mit mu in la lak un ka thianthona hun tâklang ta’ng ka.

EZEKIEL 28:22

Lalpa Pathian in zia gual hin a gen hi: Aw Sidon, ka hun do la hi, la lak un lopina chang ding ka hi. A sung ah vai ka hawm ah, ka thianthona ka tâklat phat leh, Lalpa ka hi ti hun he ta’n au.

EZEKIEL 28:25

Lalpa Pathian in zia gual hin a gen hi: Israel Inkuante a kithe’cheknau mun tin ah kipat ka pui khawm kit ah, nam tinte mit mu ah ka thianthona ka tâklat phat leh, ka suak Jakob kiang ah ka la piakna, a gam uh chun chêng ta’n au.

EZEKIEL 36:23

Ka min lopi namtin lak ah la la sukbuak uh, a lak ua la sukbuak uh chu hi’thiangtho ing ka; a mit muu ah nangmau ziak ah ka thiantho’na hi’lat ahi’phat leh, namtin in Keima hi Lalpa ka hi ti hun he ta’n au, Lalpa Pathian in a tii.

EZEKIEL 38:16

sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

EZEKIEL 38:23

Tichun, ka thupi’na leh ka thianthona chu tâklang ing ka tin, namtin mu dingin kitâklang ta’ng ka. Ziaphat chuleh, Keima hi Lalpa ka hi ti he ta’n au.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

KISIMNA LEKHABU 20:13

Israel mipite chun Lalpa a kinakpi ziak un, a thianthona a etsakna ziakin, zia chu Meribah tui a ti tau a.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

1 PETER 1:16

“Keima ka thiantho gual in, nanghaw le la thiantho diu ahi,” ti ah zik ahi ngal a.

1 PETER 2:15

Thilpha bawl ah mingolte hetlona sukdai chu Pathian doilam ahi ngal a.

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.