ISAI 5:13 - PATHIAN LEKHABU THIANGTHO (BSI)

¹³ Ziaziakchun, hetna a nei lo ziak un, ka mipite chu sal ah pui in a um tau in; a milianteu chule gilkial in a thi tau in, mipite chule dangchâk in a keu zo tau hi.

ISAI 5:13 ပူးပေါင်းရင်းမြစ်များ

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

THUPILTE 10:21

Midik kam chun mi tam tak a vak in, ahi’n, mingolte chu pilna tâksap ziakin a thi sek ui.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 23:9

Sepai honte Lalpa guanggal ahi, mi lopite kisuanpi zosia bangmalo sua ding leh, lei chung zosia’n a ngaisân uh hi’mualphona dingin.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 3:1

Tu’hin, Bangkim hi’thei, sepai honte Lalpa chun: Jerusalem leh Judah mipite kingakna, a nêk leh dawn, a matchâk leh, a tuinâk zosiau tawh,

ISAI 3:3

sawmnga pawl ah hotu leh mi ja’um, lemguat thiam leh âisân thiamte leh, mitvaidawi thiam zosia chu, ladok ding ka hi, a tii.

ISAI 44:19

Khat chale, “A kimkhat thing in ka tik in, a meiâm chung in le vaithum ka kang ah, sale ka em ah, ka ne ta’n. Tu’hin a dang cheng chu ki’dak um tak in ka siam hilo a hem? Thingbong khat âng ah khiangkho mai ding ka hem?” ti ngaitua ah, hethiam leh hetna nei a um puau hi.

ISAI 49:21

Ziaphat chuleh, la lungguk in, “Ziate haw hi kua ei hun hinpiak a hitau em? Kei chu la chate sûn ah cha nei theilo, sal ah pui mang ah um leh, naw mang ah um ka hita’n, a leh, ziate haw hi kua’n a la kaitua ahi tam? Keima ngawn ah nutsia in ka la um ah, ziate haw hi khoi tak ah hung kipan a hiu em?” hun ti ta’n lau.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

JEREMIAH 14:18

Gamlak ah chia leng, chemjam ah thite mu’ng ka tin, khawpi sung lut leng, kial thuak ah nat thuakte mu ding ka hi! Jawlnei hi’n, thiampu hitaleh, gam pumpi’n amau lawkna ding bep hawl in, a vak vêl vêl un, hetna him him a nei puau hi.

JEREMIAH 14:3

Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 8:7

Vanlaijawl ah tuivakang in bawn, a hun ding a kihiat ah; vapâlte, pialpîmte leh tuiva te’nle, a hung hun ding chiat uh a kihiat thei un; himaleh, ka mipite’n vang, kei a Lalpau dan thuguatte hi a hepuau hi.

KÂ LATE 4:9

Chemjam ah dawtlup ziangte chu, gilkial ma ma ah thite, a loulai thâiga ne pha diak lo ah, a hinnau a lua’n kang zaw nung ah, thite sâng in a kipak zawu hi.

EZEKIEL 7:12

Hun chu a hung tung ta’n, a ni chu a nai tul tul tai; a chawte chu kipak kiu hen la, a zuakte chule lungngai diak kiu hen; lungnatna chu a mipite chung ah chu ding ahi ngal a.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

AMOS 8:13

Zia ni chuleh, nungak hoi lai tak leh, tangval hoi lai tak chu dangchâk in thidang in au.

LUKA 19:44

Pathian in a hung kanthâk lai hun la het lo ziak un la huap sung ah la chate, nangma tawh leitual jepna’n hun mang intiu in; la huap sung ah suang kitiang him himle khêk pua’n au,” a tia.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

2 PETER 3:5

Zia hi a kihiatlosak un: Pathian thu’n nidang lai in vante a hung um ah, lei chu tui ah kipat in, tui ma ma chu mang ah siam a hi.