ISAI 5:11 - PATHIAN LEKHABU THIANGTHO (BSI)

¹¹ E he, nang uh zudawn ding ah jingkal matak ah tho ah, nitâk jan sawtpi pi zudawnna chêngthuak den sekte;

ISAI 5:11 ပူးပေါင်းရင်းမြစ်များ

2 SAMUEL 19:35

Tu’hin kum sawmgiat ka hita’n; a nuam leh nuam lo le ka hekhen ta pua hilam. La suak hin a nêk leh dawn haw hile a tuina hekhen thei nalai lei sak a hem? Pawsalte leh numeite La sak haw chule ngai thatnopna nei talo kei ve! Bang ding ah la suak hin, lengpa puakgik ding bep ah ka lalpa hi subuai nalai ding ka hem?

THUPILTE 20:1

Zu hin mi a suchavai ah, zukha hin mi a kinaksak hi; kuale zia haw bawl taphot chu mipil ahi puai.

THUPILTE 23:32

A tawp leh gûl gual in mi a chu sek in, thangchom gu gual in mi a zen sek hi.

ISAI 22:13

himaleh, zia thasâng ah chun, kipakna, luaithe’na leh nunnopna, bawngchal tha’na, belam tha’na, zu leh sa nêkna’n la mang ui. “Ne leh dawn hitiu, jing leh thi ta ding I hi’ngâl un,” la tiu a.

ISAI 24:9

La sa kawm in uain a dawn ta puau a; zukha le a dawnte â dingin a kha tai.

ISAI 28:1

Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!

ISAI 28:3

Ephraim zukhamte kiletsakpi, pakcha lal lukhuk chu a keng in chuan dên ding ahi.

ISAI 5:22

Uain dawn ah mihangsan leh, zuchîk tak ah kihel dawn ngam a,

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

HABAKKUK 2:15

“A Invêngte ngawnchang hi’na, mutheina ding ah zu dawn sak ah, a dawn kham masangsia lungnatna hâi tulpa, la chung a gik hi!”

HABAKKUK 2:5

Zialochunle, hausakna hi kithepna mai ahi’n, kisatheite chun daisawt pua’n a. Sheol gual in a gawlhawm uh a hi’lian un; thi’na gual in, “A hun tawk tai,” a ti ngai puau hi. Namtin amau â dingin a pui khawm un, mi zosia amau â gual in a lakhawm ui.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

1 KORINTH 6:10

guchate, huaihapte, zukhamte, mi vau mangte leh mi suamte chun Pathian gam lua pua’n au.

GALATIA 5:21

ênna, tualtha’na, zukhamna, kinoptelna leh zia tawhbang haw hi. Zia gual thilbawl chîngte chun Pathian gam lua pua’n au, tia ka hun hilkhol gual ah khan ka hun hil kit la hiu.

1 SAMUEL 25:36

Abigail chu Nabal kiang a hung tung kit ah; ama chun lengpa gual ah a In ah luaithe’na thupi tak a siam lai tak ahi’n. Nabal chu zu a dawn kham ziakin, lungthim nuam tak in a la um ah; tichun, jingkal lam ah khawvak masang sia bangma a hil puai.