ISAI 49:9 - PATHIAN LEKHABU THIANGTHO (BSI)

⁹ Suangkul tângte kiang in: “Hung pawtdok un,” a ti’n; thim lak ah umte kiang in: “Hung kilangdok un,” a ti’n. Lamlian dung ah ne malam pek intiu in, tâng gawchâk zosia chu, hampa hing phatna mun hita’n a.

ISAI 49:9 ပူးပေါင်းရင်းမြစ်များ

SAM 102:20

suangkul tângte thûmna a het ah, thi ding ah umte thâdok ding leh,

SAM 146:7

nuaisia ah umte dik tak in vai a hawm piak sek in; gilkialte kiang in an a pesek hi. Lalpa‘n suangkul tângte a thâdok sek in,

SAM 22:26

Migentheite chun ne’n tiu in vâ in au; ama hawlte chun Lalpa pakcha’n au. La lungthim uh kumtuang in hing zing ta hen!

SAM 69:33

Lalpa‘n tasamte chu a ngaitua sek in; ama mi têl, mi tângte chu a mutawm ngai puai.

ISAI 41:18

Tâng gawchâk ah chun lui lian tak tak, hun luandawsak ing ka tin, phâijawl tin ah tuinâk hun pûtsak ding ka hi; gamkeu chu dîl hung suak intin, gam gawchâk chun tuihing hung pût ta’n a.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 42:7

mitthûmte mit hi’vâk piak ding, suangkul tângte hukdok ding leh, suangkul thim lak ah umte puidok dingin.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 5:17

Ziaphat chuleh, belemnote’n amau gam hing, kinêk gual in ne ta’n tin uh; gam sesa ah chun belam tuaidawng leh, a note chun an vâ tak in ne ta’n au.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

EZEKIEL 34:29

Nêk leh châk kiningting tak in pia’ng ka tin, a gam uh kialna’n subuai ta pua’n tin, nam dangte musit in um kit ta pua’n au.

JOEL 3:18

Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

THIAMPUTE LEKHABU 25:54

Zia kumte ah hin, ama chu tatdaw ahilo chun, ama tawh, a chate tawh jubili kum in a pawt tho tho ding uh ahi.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

JOHAN 10:9

Keima hi kotkhak chu ka hi. Keima ah hung lut chu bit intin, lut in pawt intin, nêk dingle mu’n a.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

DAN LEKHABU 32:13

Gam mun sâng in a lângkâi ah, lou ah thâi piangte in a vâk ah; suangpi khikêk kâl ah khuaizu’n a vâk ah, suanggial ah kipat sathau in a chawm in;

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: