ISAI 49:7 - PATHIAN LEKHABU THIANGTHO (BSI)

⁷ Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 49:7 ပူးပေါင်းရင်းမြစ်များ

THILSIAM THU 27:29

Nam chuam chuamte’n la na sêm uh hen la, chi chuam chuamte’n chibai hun bûk tau hen: la suapite chung ah leng in um inla; la nu chate’n chibai hun bûk tau hen: Hânsia hun law tapo chu, hânsialaw khum in um uh hen la, maljawlna hun pe tapo chu, maljawlna piak in um tau hen,” a ti tai.

SAM 47:9

Namtin lak ah miliante chu, Abraham Pathian mite gual in a kikhawm ui. Leilung kihumbitna chu Pathian â ahi ngal a; ama chu nasa tak ah choisa’n ahi tai.

SAM 68:31

Aigupta gam ah kipat in sum-eng hun puau hen la; Ethiopia mite chun a khut uh Pathian lam ah, jak dingin kin-gang tau hen.

SAM 69:19

Nang in mi ei gensiatnate, ka zachatna leh musit ah ka umnate hi la he suak a; la mêlmate zosia hile la he suak sik sek hi.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 19:21

Aiguptate kiang in Lalpa chu kihiatsak ta’n a; ziaphat chuleh, Aiguptate’n Lalpa chu he ta’n tin uh, kithoina leh hâlmang thilpiak in ho ta’n tin uh, Lalpa kiang ah thutiamte bawl intiu in, a thutiam uh mualsua in au.

ISAI 19:23

Zia ni phat chuleh, Aigupta ah kipat Assuria zotna lamlian hung kithung ta’n tin, Assuriate chu Aigupta gam ah hung intiu in, Aiguptate le Assuria gam ah chia ta’n au; tichun, Aiguptate tawh Assuriate chun Pathian ho khawm ta’n au.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 48:7

Tu’ma ma’ chu ka siam ahi, tu’ma lam pek ah kha kisiam ahi puai; “Ka hetsa ahi tai,” la ti thei lona ding in, tu’ma khan la la he ngai puai.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 50:6

Ei vawte ma-âng in ka nungjang ka daw in, ka khamul ah ei mante kiang in, ka ngeibiang le ka daw hi; ei hosia leh a chil ei siatkhumte âng in, ka mai ka sêl puai.

ISAI 52:15

tichun, nam tam takte hun sulung jing ta’n a; ama ziakin lengte’n le a mûk uh chi ta’n au; a kiang ua a la kigen kha lo chu hun mu’n, a het ngai lo uh chu hun ngaitua ta ding ahi ngâl un.

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

ISAI 60:10

Gam dang mite chun la kulbâng uh hun bawl piak intiu in; chuleh, a lengteu chunle la nau hun sep piak ta’n au; ka lungnat ziakin ka hun vaw pâi ta’n, maleh, ka hun doisakna ziakin, la chung in ja’ngaina ka nei tai.

ISAI 60:16

Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

ISAI 60:3

La vâk ah chun namtin hung khawm intin uh, la jingkal phalvakna lam zuan in, lei ah lalte le hung khawm in au.

ISAI 66:23

Thathak ah kipat thathak kit tiang, sabbath ni kipat a sabbath ni kit tiang in, keima ei ho dingin mi zosia hung ta’n au, Lalpa‘n a tii.

ZEKARIAH 11:8

Tha khat sung in belam ching pathumte chu ka naw mang ah, amau inle ei ningtel ziak un, amau chan ka ngâk zo puai.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

MATTHAI 26:67

Ziaphatchun, a maichang ah chil sekkhum in, a vuau ah, khen khat in a bêng ua:

LUKA 22:27

Aleh, a an nêk ding bawlpa leh a ne ding ah kichu sekte hi a kua zawk hi a lopi zawu em? A ankuang ah a la kichu sekte hi hilo a hiu em? Himaleh, keima hi nang uh lak ah nêk bawlpen in ka pang sek hi.

LUKA 23:18

Ziaphatchun, aw kituak tak in a hung kiko ua, “Zia mi hi himangthai inla, Barabba ei hun thâdaw piak zaw’n,” a hun tiu a.

LUKA 23:23

Himaleh, aw ngai tak ah hung kiko kit in, khetden dingin a phût tei tei tau ah; a awu chun a hun thuzaw khawng ta’n;

LUKA 23:35

Mipi chun a kiang ah dingin a la en zing un. A kiang ah lamkai a la dingte chun a hun engho un, “Pathian mi têl, Messiah chu la hileh, midang bawn hukdam sek a, kihukdam lechin hiding a paw em,” ti in.

JOHAN 18:40

A hung kiko ua, “Zia pa hi hilo in, Barabba kha hun thâdok zaw’n,” a tiu a. Zia Barabba chu suammang ahi.

JOHAN 19:15

Amau haw chu a hung kiko ua, “Hi’mangthai in! Hi’mangthai in! Kros ah khenden in!” a hun tiu a. Pilat chun a kiang un, “La Lengpau hi kros ah khenden ziang ding ka hem?” a ti kit a. Thiampu lalte chun, “Kaisar longal leng dang ka nei puau hi,” a tiu a.

JOHAN 19:6

Thiampu lalte leh hotute chun a la mu phât un, a hung kiko ua, “Kros ah khenden in! Kros ah khenden in!” a hun tiu a. Pilat chun a kiang un, “Pui unla, vakhenden tau in, keima’n vang a chung ah hin demna ding ka mu puai,” a tia.

1 KORINTH 1:9

A chapa Jesu Khrista I Lalpau tawh kivopna ah hun kolutpa Pathian chu a muan um hi.

DAN LEKHABU 7:9

Ziaziakchun, Lalpa la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi: