ISAI 49:5 - PATHIAN LEKHABU THIANGTHO (BSI)

⁵ Chuleh, tu’hin, a suak hiding ah, sûl ah ei la siampa Lalpa chun, Jakob a kiang ah puikitna ding leh, Israel a kiang ah pui khawm kit theina dingin, Lalpa mit mu ah lûl tak ka hiziak leh, Pathian chu ka hâtna ahi tâk ziakin, ka kiang ah zia gual hin a gen hi:

ISAI 49:5 ပူးပေါင်းရင်းမြစ်များ

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 27:12

Zia ni phat chuleh, Euphrates luipi kipat Aigupta Wadi tiang in, buchil in hun chil in a; chun, aw Israelte haw, pakhat khat ah lâk khawm in hung um ta’n lau.

ISAI 43:4

Ka mit mu ah lûl tak leh, ja-um tak la hi tâk ziakin, ka hun hepi a; tichun, la thatheng ah thuak dingin, nam dangte ka pedok in, la hinna tawh kitheng dingin, nam tinte chu ka pedok ta ahi.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

JEREMIAH 1:5

“Sûl ah ka hun siam masang ah kipat khan, ka hun hiatsa la hita’n, la pian masang ah kipat him ah khan, namtin kiang ah jawlnei hiding in, ka hun guat in, ka hun sukthiantho chuam la hi tai,” a ti’n.

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 15:24

Ama chun a kiang un, Israel nam lak ah belam mangte kiang bep ah sawl ka hi, ti’n a dawnhu a.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

LUKA 19:42

“La thamuanna ding ah thil hung tung chu, tuni bêk ah hin he ta mai lechin aw! Himaleh, tu’hin la mit ah kipat sêlmang in a um tangal in.

JOHAN 3:35

Pa chun Chapa chu a hepi hen, a khut in bangkim a pia tai.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

ROMTE 15:8

I pu leh pateu kiang ah thutiam chu sukdetna dingin, Pathian a thutak ziakin, Jesu Khrista chu zektante nasem a hung hi tai, ka ti ahi.

GALATIA 1:15

Chuleh, ka nu gilpi sung ah kipat ei la khenchuampa leh hepina ziak ah ei kopa Pathian chun,

1 PETER 3:22

Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.