ISAI 49:4 - PATHIAN LEKHABU THIANGTHO (BSI)

⁴ Himaleh, keima’n, “A gimthawn ka hi tai, bangmalo ding leh a thawn ding bep in, ka hatna zosia ka la mang zo tai; ahi’n la, ka chung thu chu Lalpa ah um ahi’n, ka sepgim ga chu ka Pathian kiang in a um hi,” ka la ti tai.

ISAI 49:4 ပူးပေါင်းရင်းမြစ်များ

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

THUPILTE 29:26

Mi tam tak in vaihawmtu doisakna a hawl un; maleh, Lalpa ah kipat bep in thu dik mihing in a mu sek hi.

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 40:10

En un, Lalpa Pathian chu thilhitheina tawh a hung in, a bân thahât in vai a hawm hi. En un, a kipakman chu a kiang in a um in, a thukna chun a kitonpi zing hi.

ISAI 40:27

“Ka buaina hi Lalpa‘n a he’pha pua’n, ka chung thu hi ka Pathian in a ngaisak ta puai,” bang ding ah Jakob in ti’thei ah, Israel in zia gual ah chu gen thei la hiu em?

ISAI 57:21

Mi nunsiate â dingin thamuanna ding a um puai, ka Pathian in a tii.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

ISAI 65:23

A thawn in sêmgim pua’n tiu in, a chateu chule buaipi ding bep in piang pua’n au; amau leh a chateu chu Lalpa maljawlna chate, hita ding ahi ngal un.

EZEKIEL 3:19

Ahi’n, mi nunsia chu la hil ah, himaleh, a nunsiatnau a kiheisan lo ua, a nunsiat nau lampile a haisan lo uh chun, a tat phalo ziak un a thi ding uh ahi; himaleh, nang in vang la hinna hukdok ta’n la.

THIAMPUTE LEKHABU 26:20

La hatnau a thawn in sêng in la tin uh, la louteu in ga sua pua’n tin, gam ah thingte’n le ga sua diak pua’n au.

MATTHAI 17:17

Jesu’n, khangthak ginna neilo leh thukhelte haw, bangchan hun umpi nalai ding ka hem? Bangchan a hem ka hun daw zaw nâk lai ding? Ama chu ka kiang in hun pui un, a tia.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

LUKA 24:26

Messiah chun zia thilte zosia chu thuak ah, a lopina lut ding him hilo a hem?” a tia.

JOHAN 1:11

Ama chu ama mite kiang in a hung ah, ama mite chun a la lop puau hi.

ROMTE 10:21

Himaleh, Israel mite thu ah chun, “Thununglote leh nialhatte ziakin sun nitum in ka bân ka jak sek hi,” ti’n a la gen kit hi.

2 KORINTH 12:15

Kei vang kipak tak in nang uh â dingin kimang ing ka tin, kimang tum kei ziang ing ka. Ka hun hepi tâkluat ziak ah lei hepi lo ding uh a hem?

2 KORINTH 2:15

Hukdam hizingte leh mangthai hizingte kiang ah, Pathian â dingin Khrista gimtui chu ka hingal un.

GALATIA 4:11

La chung un tha a thawn in ka sêng kha diam ti ka lau ahi.

PHILIPPI 2:16

hinna thu chu la taklat theina ding un; zia kipakna chu keima’n Khrista ni a hung tun phat leh, a thawn in ka sêm gim pua’n, a thawn in ka tai gim puai, ka ti ngamna ding in.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.