ISAI 49:1 - PATHIAN LEKHABU THIANGTHO (BSI)

¹ Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 49:1 ပူးပေါင်းရင်းမြစ်များ

SAM 22:10

Ka pian ah kipat in, la chung ah ngak ka la hita’n, ka nu’n ei hi’n ah kipat khan, nang chu ka Pathian la hi tai.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

ISAI 33:13

Nanghaw, gamla tak ah umte haw, bang a la bawl ka hi em ti a la ngaithau in; nanghaw, nai tuam ah umte haw, ka thil hi’thei dan hi a la he tau in.

ISAI 41:1

Aw, nanghaw tuisuagiat pang ah gamte haw, thipbek in ka thugen hi a la ngai un! Namtin in a hatnau La thak chiat uh hen la; hun nai uh hen la, thu gensak un; vaihawmna chu nai ding in chia khawm hitiu.

ISAI 42:12

Lopina chu Lalpa piau hen la, tuikual gam tin ah a pâkchatna, puangjak chiat tau hen.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 45:3

Keima hi Lalpa, la min ah hun kopa, Israelte Pathian chu ka hi ti la hettheina dingin, thim lak ah go thil kisêlgute leh, a gûk ah go thil kisêlgute chu, hun pia ding ka hi.

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

ISAI 49:5

Chuleh, tu’hin, a suak hiding ah, sûl ah ei la siampa Lalpa chun, Jakob a kiang ah puikitna ding leh, Israel a kiang ah pui khawm kit theina dingin, Lalpa mit mu ah lûl tak ka hiziak leh, Pathian chu ka hâtna ahi tâk ziakin, ka kiang ah zia gual hin a gen hi:

ISAI 51:5

Kin tak in ka hukdamna hun naisak ing ka tin, ka hukdamna pawtdok in, ka khutbân in mi tinte chung ah vaihawm ding ahi; kawlkil tiang ah mite’n ei ngâk un, ka khutbân chule a kinepnau ahi.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 57:19

A gamla leh a nai tuam ah umte haw, thamuang unla, thamuang tak in um un, Lalpa‘n a tii; tichun, sudam ding ka hi.

ISAI 60:9

Tuikual gam tin ah umte chu ka jai ei ngâk in, Tarshish longliante chu hung masa’n, khual gamla tak ah kipat la chate, a sana leh dangkateu tawh hun pawkhawm dingin, Keima, Israel Mithiangtho Lalpa, la Pathian uh hin, Keima ei chawihoi theina ding un, la mipiteu chu ka chawisâng ta’ngal a.

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 1:5

“Sûl ah ka hun siam masang ah kipat khan, ka hun hiatsa la hita’n, la pian masang ah kipat him ah khan, namtin kiang ah jawlnei hiding in, ka hun guat in, ka hun sukthiantho chuam la hi tai,” a ti’n.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

LUKA 1:31

Ngaitia, nau hun vop in la tin, a min in JESU la sak ding ahi.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

GALATIA 1:15

Chuleh, ka nu gilpi sung ah kipat ei la khenchuampa leh hepina ziak ah ei kopa Pathian chun,

EPHESA 2:17

Chun, a hung ah, nanghaw gamla tak ah umte leh naicha umte kiang in le chamna chanchinpha a hung hil a.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.