ISAI 48:9 - PATHIAN LEKHABU THIANGTHO (BSI)

⁹ Keima min ziakin ka lungnatna chu, ka tutâng tadi in, nangma ka hun paithâk lona ding in, la chung ah pâkchatna ka law khâk leh ti’n, ka kisûm tadi ahi.

ISAI 48:9 ပူးပေါင်းရင်းမြစ်များ

SAM 106:8

A chuti sapi’nle, ama min ziakin, a la hukhing nalai a, a thilhitheina lopi tak chu, a hetsak theina dingin.

SAM 143:11

Aw Lalpa, la min ziakin ka hinna vêngbit in. La dikna ziakin ka hinna, lungjinna lak ah kipat in puidok in.

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 79:9

Aw ka hukhingpau Pathian, la min lopina dingin ei panpi in; la min ziakin ei hukdok inla, ka gitlonateu ngaidam in.

THUPILTE 19:11

Lunggêl thei mi chu a lungna vak pua hen, mi phatlona kihiatmawsak chu a lopinau ahi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 37:35

Keima ziak leh ka suak David ziakin, zia khawpi hi vêng in, humbit ding ka hi’ngal ah, ti in.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 48:11

Ka min ziakin, keima min ziak bep in, zia gual chun ka bawl hi; ka min chu polche tak ah umsak ding ka hia a hem? Ka lopina hi midang kiang ah pelo ding ka hi.

ISAI 65:8

Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

EZEKIEL 20:14

Himaleh, zia gual chun ka la bawl nuam ta puai, amau ka puidaw a la mu nam zosiate mit mu ah, ka min siatlo’na dingin ka bawl zaw tai.

EZEKIEL 20:22

Himaleh, zia gual chun ka la bawl nuam ta puai, amau ka la puidaw a la mu, nam zosiate mit mu ah, ka min siatlona dingin ka bawl zaw tai.

EZEKIEL 20:44

Aw Israel mipite haw, la thilbawl uh phalote leh la dukdak lonau dungzui hilo in, ka min ziak ah ka hun gawt phat leh, Keima Lalpa ka hi ti hun he ta’n lau, Lalpa Pathian in a tii.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

EZEKIEL 36:21

Himaleh, Israel Inkuante’n, namtin lak ah a chianau taphot ah a hi’buak un, ka min thiangtho hi ka ngaisak ma ma hi.

JOSHUA 7:9

Kanaan mite leh zia gam ah um zosia’n hun hia’n tiu in, ei hun ûm in, lei chung ah kipat ka min uh hi’mangthai zo ding a hitau hi. Zia phat chuleh, la min thupi tak chu bang la law ta diam?” a ti tai.

1 SAMUEL 12:22

A ziak chu, Lalpa‘n amin lopi tak ziak ah chun a mipite pâmpai ziang lo ding ahi, a ziak chu, Lalpa‘n a lung lam hi ding in a mipite hi a siam ahi.