ISAI 48:8 - PATHIAN LEKHABU THIANGTHO (BSI)

⁸ A thawm gi la la het khâk nai lo, a thuthang le la la het nai lo, masang lai ah kipat khan la nakhang chu, hi’vâk a la hikha nai puai. Lepchia tak ah hun bawl ding la hi ti leh, la pian ah kipat him ah mi helmang hiding la hi, ti ka he ngal a.

ISAI 48:8 ပူးပေါင်းရင်းမြစ်များ

SAM 40:6

Kithoina leh thillat chung ah, kipakna him la nei pua’n, ahi’n, nakhang pil tak lei pia zaw tai. Hâlmang thilpiak leh, gitlo thoina thilpiak chu lei phût puai.

SAM 51:5

Ngaitia, khawlona hin ka hi, ka nu’n ei vop ah kipat in, migilo ka la hi tai.

SAM 58:3

Mi nunsiate chu a nu sûl ah kipat him in, Pathian ah kipat pêt mang a la hitau a; a piandawu ah kipat zuau thu gen in, a pêt mang ngal tau hi.

ISAI 21:2

Thil tizat um tak hung tung ding chu ka kiang in a gen a; dawha thûk tak ah bawlpa chun dawha’n a hun bawl ah; thil hisepa chun a hun hise malam pek hi. Aw Elam, Chia to in! Aw Media, hung ûm chimit tau in; Babulon in a hilung ngaisak zosia hun hi’bei ding ka hi tai.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 33:1

Nangma’n siatna tuak lo ah, midangte susepa leh kuama’n lepchia tak ah a bawl lo uh, nang in lepchia tak ah la bawl ziakin, la chung a gik hi! Nang in midangte hisiat la haisan phat leh, nangma chu hisiat ah um ding la hi; midangte lepchia tak ah la bawl lo phat leh, nangma chu lepchia tak in hun bawl in au.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 46:8

Zia hi hezing unla, ngaitua un, nanghaw mi talêkte haw, zia chu gel zing un,

ISAI 47:11

Himaleh, la dawi thiamna’n a zaw lo ding, la chung ah vangsiatna hung tung in a; la hi’dai theilo ding ah siatna khawk tak, la chung ah hung tung ding ahi; la hetkhol lo in, phut lo ah la chung ah manthaina hung tung ding ahi.

ISAI 48:4

Nang chu mi lu’lul, la ngâwng chu thîk gual ah khau, la chalki chule sum-eng gual ah tak, ahi ti ka he ngal a,

ISAI 48:7

Tu’ma ma’ chu ka siam ahi, tu’ma lam pek ah kha kisiam ahi puai; “Ka hetsa ahi tai,” la ti thei lona ding in, tu’ma khan la la he ngai puai.

ISAI 50:5

Lalpa Pathian in ka nakhang ei hi’vâk piak ta’n; tichun, thukhel ta lo in, kihei mang kit ta pua’ng ka.

ISAI 57:4

Kua a hem tawtbawlna la mat uh? Kua eulauna ding ah la kam uh lian tak ah kâ, la lei uh thadok sek la hiu em? Bawsiatna chate, mithepna suan leh pâkte hilo la hiu em?

JEREMIAH 3:20

Chuti sâng in, numei ginum lo in, a pawsal a taisan gual in, aw Israel Inkuan ah mite haw, kei â dingin ginum lo tak in la um tau hi, Lalpa‘n a ti ahi,” ti in.

JEREMIAH 5:11

Israel Inkuante leh Judah Inkuante chu, ginum lo tak ah a la um zaw tak ziak un, ti’n Lalpa‘n a tii.

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

JEREMIAH 6:10

Ka vauhilna thu ngai dingin, kua kiang ah gen ding ka hi tam? En tia, a nakhangteu chu vî lo ahi’n, bangma a hethei puau hi. Lalpa kamsuak chu a sim mawu in, a thu gen a kipakpi thei puau hi.

HOSEA 5:7

Lalpa chung ah lepchia tak in a la tawi tau in; jaucha a la neisan ta’ngal un. Tu’hin, tha thak in amau chu a louteu tawh hun ne zo ding ahi.

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

HOSEA 7:9

Gamdang mite’n a hatna a nêk zaw piak un, ama’n la zia chu a hepuai; a kumte chu tiam himaleh, zia chu a hepuai.

MALAKI 2:11

Judah chu ginum lo tak in a la um ta’n, Israelte lak leh Jerusalem ah chun thil ki’dak um tak chu bawl ahi tai; Judah chun gamdangte pathian chanute a kichenpi ziak un, Lalpa‘n a ngainat, a mun thiangtho chu a la subuak tau ahi.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

DAN LEKHABU 31:18

Zia ni phat chuleh, pathian dangte lam ah ei kiheisan ziak leh, a thil phalo bawl zosiau ziakin kilepsan ngei ngei ding ka hi.