ISAI 48:6 - PATHIAN LEKHABU THIANGTHO (BSI)

⁶ La he suak ta’n; tu’hin zia zosia hi en ah, puangdok lo ding la hi em? Tu’hun ah kipat hin zia thil thak, la la het khâk lo thil kisêlgute chu, hun hiatsak pan ding ka hi tai.

ISAI 48:6 ပူးပေါင်းရင်းမြစ်များ

SAM 107:43

Kuale a pil taphot in zia thilte chu ngaituau hen la; Lalpa ngilneina chu gunchu tak in, ngaitua chiat tau hen.

SAM 119:13

La kam ah la vaihawmna thu pawt zosia chu ka mûk in ka hetsak tai.

ISAI 21:10

Aw, ka buchilsa leh jap thiansate haw, sepai honte Lalpa, Israel Pathian ah kipat, ka hiatte chu la kiang un ka hun tâklang hi.

ISAI 42:20

Thil tam tak a la mu ta maleh, a la ngaisak pua’n; a nakhang a vâk ta’n, himaleh, bangma a he diak puai.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 42:9

En un, thil masate chu a bei kawm ta’n, thilthakte chu ka hun tâklang tai; zia thilte chu a hung tun ma’n, a um ding dan chu ka hun hil la hiu, a tii.

ISAI 43:19

Thil thak khat hun bawl ding ka hi; tu’hin a hung dawndok tai, muthei nai lo la hiu em? Gamthip ah chun lamlian hun bawl ing ka tin, gamkeu ah chun luiliante hun luan sak ding ka hi.

ISAI 48:7

Tu’ma ma’ chu ka siam ahi, tu’ma lam pek ah kha kisiam ahi puai; “Ka hetsa ahi tai,” la ti thei lona ding in, tu’ma khan la la he ngai puai.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

MIKAH 6:9

Lalpa’n khawpi chu a hun ko hen: (la min ki’châk chu pilna dik ahi;) Aw phung tin leh khawpi ah mipite haw, hiau in!

MATTHAI 10:27

Thim lak ah ka gen hi vâk ah genjak unla, munthip ah ka hun hilte hi Inchung ah kikopiu in.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

1 KORINTH 2:9

“Mit ah mu khâk lo, bil ah le het khâk lo, mihing lunggil ah lut ngailo, Pathian in ama hepi taphotte â ding ah, a guat tapo chu,” ti zik gual khan.

THUPUAN 1:19

Ziaziakchun, la thil mute, thil um zingte leh tu’nung ah hung um dingte chu zik in.

THUPUAN 4:1

Ziazaw chun, ka vak et leh, van ah kot kihong ka mu’n, zia lai tak ah aw ka het masak, pengkul gi gual ah ngai a ei ho chun, “Hung to tiam in, tu’nung a thil hung um dingte chu hun etsak ing ka,” ei tia.