ISAI 48:4 - PATHIAN LEKHABU THIANGTHO (BSI)

⁴ Nang chu mi lu’lul, la ngâwng chu thîk gual ah khau, la chalki chule sum-eng gual ah tak, ahi ti ka he ngal a,

ISAI 48:4 ပူးပေါင်းရင်းမြစ်များ

2 LENGTE 17:14

Himaleh, a ngaisak nuam diak puau ah, Lalpa a Pathian uh zui lo in, a pu leh pa teu lochal gual gual in a kihilochal tau hi.

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

2 KHANGTHU 36:13

Pathian min ah a la kitiamsak, Lengpa Nebukadnezar chung inle a hung hel a; Lalpa, Israelte Pathian lam nga lo dingin a lungthim sutâk in, a ngawng le a hikhau ah, lung det tak in a um hi.

NEHEMIAH 9:28

Himaleh, gâl muang tak ah a hung um phat un, la chung in thil phalo tak a hun bawl kit tau a; tichun, a mêlmateu in a chung ua thu a nei khum theina ding un la nusia ah; himaleh, hung kile’kit ah, a hun ko uh chun, van ah kipat in la ngaitha’n, la ja’ngaina hau dungzui in vêl tam tak la hukdok ta ahi kha.

SAM 75:5

kilâm sâng ten kiu inla, chapo tak in thu gen kiu in,” ka ti hen.

SAM 78:8

a suanteu dungsûn ah suan lochal leh, kiphin chîngte, suan thumang lo, Pathian lak ah lungthim ginum lo pu’, a umlo’na ding un.

PAWTDAWNA THU 32:9

Lalpa chun Mosi kiang in: “Zia mite hi ka hechian tai, mi lu’lul tak a hiu hi;

PAWTDAWNA THU 33:3

Khuaizu leh bawngnawi ah luang, gampha lam ah chun chia to un; himaleh, la lak ua um in hun kitonpi talo ding ka hi; achutiloleh, lam kâl in hun hi’mangthai malam ziang kha tawl ing ka, nam lu’lul tak la hi’ngal un,” a tia.

PAWTDAWNA THU 33:5

Lalpa chun Mosi kiang in, “Israelte kiang in, ‘Nam lu’lul tak la hiu, la lak ua chomkhat um lengle hun sumangthai ziang ding ka hi’ngal hen: ziaziakchun, tu’hin la kicheinateu chu hun lîptha vek un; tichun, nang uh bang hun law ding ka hi em hethei bep ing ka,’ a tii,” ti’n a gen tai.

PAWTDAWNA THU 9:7

Pharaoh chun a kan zui leh Israelte gancha khat le a thi puai ti a hechian tai. Himaleh, Pharaoh chun a lungthim a sukhak ah; tichun, mipite chu a pawtsak phal diak puai.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

ISAI 30:9

Amau chu mithukhel, chapa lepchia, Lalpa hilna thu ngai nuamlote ahi ngal un.

ISAI 46:12

Nanghaw mi lu’lul, hukdawna ding tawh kigamlatte haw, ka thugen hi a la ngai un:

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

EZEKIEL 2:4

A suan a pâkteu le mi phengphel leh lochal a hiu ah. A kiang un vachia inla, zia gual hin la vagen ding ahi: “Lalpa Pathian in zia gual hin a gen hi,” ti in.

DANIAL 5:20

Himaleh, a lungthim ah kisaktheina a hun nei ah, ki-uansak tak ah a lungthim a hikhau phatin, a lalchutpha’ kipat pai thâk in a um ta’n, a lopina chule lâkpiak ahi tai.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

DAN LEKHABU 10:16

Ziaziakchun, la lungthim uh siam thak in, lu’lul tak in um ta kiu in.

DAN LEKHABU 31:27

La kiphin nop dan uh leh la lochal dan uh ka he ngâl a. Tu’ni la kiang ua dam ah ka um lai ah bawn, Lalpa chung in la hel ua; ka thi’nung vang vang leh bang gual bep ah khawk in la hung hel ta bep ding awm maw!

HEBRAITE 3:13

La lak ua kuale gitlo thepthâk ah lung tâk la um lona ding un, “Tu’ni,” kiti hun chu a um sung in, nisi’n in kitîlhat zing tau in.