ISAI 48:21 - PATHIAN LEKHABU THIANGTHO (BSI)

²¹ Gamkeu ah a puithen lai inle a dang uh a châk pua’n; amau â dingin suangpi kipat in tui a luan dawsak in; suangpi khen kêk in, zia kipat chun tui a luangdok tai.

ISAI 48:21 ပူးပေါင်းရင်းမြစ်များ

NEHEMIAH 9:15

A gilkial phat un van ah kipat in vaithum la pia, a dangchâk phat un suangpi ah kipat in tui la luandaw sak in; chuleh, a kiang ua piak la tiamna gam lam ah chia ah luaden dingin la hil tai.

NEHEMIAH 9:20

Amau zilsak dingin la thagau pha chu la pia; a kam ua kipat in la Manna la jukdok kit pua’n, a dangchâknau sudai dingin tuile la pia ahi.

SAM 105:41

Suangpi a hong ah, tichun, tui a hung kikhawdok ah; gamkeu ah chun luipi gual in a luang tai.

SAM 74:15

Tuinâk leh luiliante nâk ding la ât-hon piak a; lui luang zing laite chule la ting kang a.

SAM 78:15

Gamthip ah suangpite a khet hawm piak ah, tuili thûk tak ah kipat gual in, a dawn ding uh tui tam tak a piai.

SAM 78:16

Suangpi kipat in luicha a luan dawsak in, tuite chu luipi gual in a luan dawsak hi.

SAM 78:20

Suangpi vaw kêk in, tuite luangdok hen la, luipite luangdok ziang maleh, a mipite nêk dingin an leh sa, a hung umsak thei na diam?” a tiu hi.

PAWTDAWNA THU 17:6

Horeb ah Suangpi chung in la ma-âng ah a la ding di ka hi. Suangpi chu jep in la tin, zia kipat chun mipite dawn ding tui hung pawt ding ahi,” a tia. Zia gual chun, Israel upate mit mu ah chun Mosi’n a bawl tai.

ISAI 30:25

Kitha’na ni huaisia chu a tun phat leh, gâlvên bûk zosia chimtha ta’n tin, mual lian zosia leh tângsâng zosia ah kipat in luichate chu hung luangdok ta’n a.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

KISIMNA LEKHABU 20:11

Ziaphatchun, Mosi chun a khut a lâm ah, suangpi chu a tiangkhut in nivei a khên ah; tichun, tui tam tak a hung luangdok tai. Mipi zosia tawh a ganchateu zosia’n a dawn tau hi.